ممبئی: (یو این آئی) بالی ووڈ اداکار راج کمار راؤ اور جھانوی کپور فلم ’’مسٹر اینڈ مسز ماہی‘‘میں ایک ساتھ نظر آئیں گے۔ بالی ووڈ فلمساز کرن جوہر نے اپنے پروڈکشن ہاؤس دھرما پروڈکشن کی اگلی فلم’مسٹر اینڈ مسز ماہی‘کا اعلان کر دیا ہے۔ فلم کا اعلان انہوں نے اپنے انسٹاگرام پر ایک موشن پوسٹر شیئرکرتے ہوئے کیا ہے۔
It takes a partnership of the hearts to achieve a dream!❤️🏏
Presenting #MrAndMrsMahi, a match made for the winning streak! Coming to cinemas near you on 7th October, 2022.___@karanjohar @apoorvamehta18 @RajkummarRao #JanhviKapoor #SharanSharma #NikhilMehrotra @somenmishra0 pic.twitter.com/FoP6NrS6Ak
— Dharma Productions (@DharmaMovies) November 22, 2021
فلم میں راجکمار راؤ مہندرا کے کردار میں نظر آنے والے ہیں جب کہ جھانوی کپور مہیما کا اہم کردارنبھارہی ہیں۔ ویڈیو کے آغاز میں راج کمار اور جھانوی کپور کی آوازیں بھی سنائی دے رہی ہیں، جس میں وہ کہتے ہیں کہ ’’کبھی کبھی ایک سپنا پورا کرنے کے لیے دو لوگوں کی ضرورت پڑتی ہے‘‘۔ اس موشن پوسٹر کو سوشل میڈیا پر شیئر کرتے ہوئے کرن جوہر نے کیپشن لکھا ’’ایک خواب کا دو دلوں نے انتخاب کیا۔ پیش ہے مسٹر اینڈ مسز ماہی، ہدایت کار شرن شرما جواپنے جادوئی لمس کو بتانے کے لئے ایک اور دل کو چھو لینے والی کہانی کے ساتھ واپس آرہے ہیں۔ راج کمار راؤ اور جھانوی کپور کی اداکاری والی یہ فلم 7 اکتوبر 2022 کو سینما گھروں کی زینت بنے گی۔
