ڈی یو:یو پی ایس سی ایگزام میں 48واں رینک حاصل کرنے والی این سی وئیب کی طالبہ کو اعزاز

0

نئی دہلی (ایس این بی)ملک کے سب سے بڑے امتحان UPSC کا نتیجہ جاری ہوا اور اس بار یہ حسن اتفاق ہے کہ لڑکیوں نے نہ صرف اعلیٰ عہدوں پر قبضہ کیا بلکہ زیادہ سے زیادہ نمبروں میں کامیاب ہو کر اپنی صلاحیتوں کا لوہا منوایا۔ اس بار کا نتیجہ دہلی یونیورسٹی کے NCWEB کے لیے بھی فخر کا لمحہ لے کر آیا ہے۔ بصارت سے محروم آیوشی ڈباس، جو ڈی یو کے این سی ویب کے 2011-14 بیچ کی طالبہ ہے، جس نے آئی اے ایس 2021 کے فائنل نتیجہ میں مجموعی طور پر 48 واں رینک حاصل کیا، کو ڈی یو کے وائس چانسلر پروفیسر یوگیش سنگھ، ڈین پروفیسر بلرام پانی، رجسٹرار ڈاکٹر وکاس گپتا اور ڈاکٹر وکاس گپتا نے اعزاز سے نوازا۔اس موقع پر ڈی یو کے وائس چانسلر پروفیسر یوگیش سنگھ نے آیوشی ڈباس کو مبارکباد دیتے ہوئے کہا کہ آپ کی جدوجہد، ہمت اور کامیابی ہماری این سی ویب کی طالبات کو تحریک دے گی، آپ ہماری طالبات کے لیے حقیقی رول ماڈل ہیں۔NCWEB کے چیئرمین پروفیسر پانی نے آیوشی کو مبارکباد دیتے ہوئے کہا کہ آپ سے امید ہے کہ آپ مستقبل میں بھی ہماری طالبات کی رہنمائی کرتی رہیںگی۔