دگوجے نے کی آر ایس ایس اور امت شاہ کی تعریف،جانیں راز کی بات

0
Image: Jansatta

بھوپال،( ایجنسی):کانگریس کے سینئر لیڈر اور مدھیہ پردیش کے سابق وزیراعلی دگ وجے سنگھ نے آج کہا کہ تقریباً چار برس قبل ان کی’نرمدا پریکرما‘کے دوران بھارتیہ جنتاپارٹی کے سینئر لیڈر امت شاہ اور آرایس ایس کے دیگر کارکنان نے ان کی کافی مدد کی تھی۔
بی جے پی اور راشٹریہ سویم سیوک سنگھ کے سخت مخالف مسٹر سنگھ نے انکی نرمدا پریکرما پر مبنی کتاب’’نرمدا کا پاتھک‘‘کے اجرا کے دوران اپنے خطاب میں اس راز سے پردہ اٹھایا۔ مسٹر سنگھ کے ساتھ وابستہ رہے مسٹر او پی شرما کی تحریر کردہ اس کتاب کے اجرا کی تقریب میں ان کی اہلیہ امرتا رائے، سینئر کانگریس لیڈر وویک تنکھا،رامیشور نیکھرا اور سریش پچوری بھی موجود تھے۔
دگ وجے سنگھ نے کہانی بیان کرتے ہوئے کہا کہ امت شاہ کی طرح آر ایس ایس کے کارکنوں نے بھی نرمدا پریکرما کے دوران ان کی مدد کی۔ سنگھ کے بہت سے کارکنان پریکرما کے دوران ان سے ملے۔ جب میں نے اس سے پوچھا کہ آپ اتنی پریشانی کیوں کر رہے ہیں تو اس نے کہا کہ اسے ایسا کرنے کا حکم مل گیا ہے۔ انہوں نے یہ بھی کہا کہ وہ گجرات کے بھروچ علاقے سے گزرتے وقت جس دھرم شالا میں ٹھہرے تھے اس میں آر ایس ایس کے سربراہ ہیڈگیوار اور مادھا راؤ سداشیوراو گولوالکر کی تصاویر تھیں۔ انہوں نے یہ بھی کہا کہ مذہب اور سیاست مختلف ہیں اور انہوں نے سفر کے دوران سب کا تعاون لیا۔
مسٹر سنگھ نے بتایا کہ سال 2017 میں وہ اپنی ٹیم کے ساتھ نرمدا پریکرما کے تحت مہاراشٹر کی سرحد عبور کرکے گجرات کی سرحد میں داخل ہوئے تھے۔ اس وقت رات ہوچکی تھی اور ہمیں گھنے جنگلوں سے نکلنا تھا۔ تبھی محکمہ جنگلات کا ایک افسر آیا اور اس نے اپنا تعارف کراتے ہوئے کہا کہ مسٹر امت شاہ کی ہدایت پر وہ یہاں پہنچے ہیں اور انہوں نے (مسٹر شاہ) نے ہدایت دی ہے کہ مسٹر سنگھ کے سفر کے دوران انہیں کسی طرح کی پریشانی نہ ہو اور ان کے کھانے پینے کا انتظام بھی کیا جانا چاہیے۔
مسٹر سنگھ نے کہا کہ اس وقت گجرات اسمبلی انتخابات جاری تھے اور وہ مسٹر شاہ کے سب سے بڑے ناقد ہیں۔ اس کے باوجود انہوں نے مکمل تعاون کیا۔ کانگریس کے سینئر لیڈر نے بتایا کہ ان کی مسٹر شاہ سے آج تک وہ آج تک ’ون ٹو ون‘ ملاقات نہیں ہوئی۔ لیکن انہوں نے جو تعاون دیا اس کے لیے میں نے ان کا شکریہ ادا کیا تھا اور انہیں باقاعدہ ایک پیغام بھیجوایا تھا۔ مسٹرسنگھ نے کہا کہ یہ سیاسی دوستی اور ہم آہنگی کا ثبوت ہے جسے ہم کبھی کبھی بھول جاتے ہیں۔ انہوں نے کہا کہ سیاست میں اختلافات فطری ہیں۔

سوشل میڈیا پر ہمارے ساتھ جڑنے کے لیے یہاں کلک کریں۔ Click 👉 https://bit.ly/followRRS