بھوپال: (یو این آئی) تمل ناڈو میں ہیلی کاپٹرحادثے میں شہید ہونے والے فضائیہ کے بہادر افسر گروپ کیپٹن ورون سنگھ کا جسد خاکی آج ان کے آبائی شہر بھوپال لایا جائے گا۔ شوریا چکرا عزاز سے سرفراز گروپ کیپٹن ورون سنگھ کی جمعہ کو یہاں مکمل فوجی اعزاز کے ساتھ آخری رسومات ادا کی جائیں گی۔ سرکاری ذرائع کے مطابق گروپ کیپٹن ورون سنگھ کا جسد خاکی کو جمعرات کو بنگلور سے فوج کے ایک خصوصی طیارے سے یہاں لایا جائے گا۔ ان کا جسد خاکی ایئرپورٹ سے ان کی انر
کورٹ کالونی کی رہائش گاہ لے جایا جائے گا۔ کالونی کے مکین اور دیگر شہری دن کے وقت گروپ کیپٹن کی آخری جھلک دیکھ سکیں گے۔
فوجی ذرائع نے بتایا کہ گروپ کیپٹن کی آخری رسومات جمعہ کو دن کے وقت بھدبھدا وشرام گھاٹ پر ادا کی جائیں گی۔ اس سے پہلے انہیں یہاں 3 ای ایم آئی(الیکٹرانکس اینڈ مکینیکل انجینئرز) سنٹر میں فوجی افسران اور جوانوں کی موجودگی میں آخری الوداعی دی جائے گی۔ گروپ کیپٹن
Karnataka | Mortal remains of Group Captain Varun Singh, who passed away yesterday, December 15, reach Yelahanka Air Force Base in Bengaluru; IAF military officials pay tribute
He was the lone survivor of December 8 #TamilNaduChopperCrash in which 13 people had died. pic.twitter.com/LeNj4TjAZk
— ANI (@ANI) December 16, 2021
ورون سنگھ بھوپال کے رہنے والے کرنل کے پی سنگھ (ریٹائرڈ) کے بیٹے ہیں۔ کرنل کے پی سنگھ کے ایک اور بیٹے تنوج سنگھ ہندوستانی بحریہ میں لیفٹیننٹ کمانڈر ہیں۔ گروپ کیپٹن ورون سنگھ 8 دسمبر کو تمل ناڈو میں ہیلی کاپٹر حادثے میں شدید زخمی ہو گئے تھے۔ انہیں علاج کے لیے بنگلور کے ایک اسپتال میں داخل کرایا گیا، جہاں بدھ کو ان کا انتقال ہوگیا۔ اس خبر کے بعد کل سے ہی ان کے جاننے والے اور رشتہ دار یہاں گروپ کیپٹن کی رہائش گاہ پر پہنچنا شروع ہو گئے۔
