نئی دہلی (یو این آئی) کووڈ- 19 وبا کی وجہ سے لوگوں کے گھر میں زیادہ رہنے ، گھر سے کام کرنے والے کلچر اور اسکول کالج بند ہونے کی وجہ سے 'ڈائرکٹ ٹو ہوم' (ڈی ٹی ایچ) سروس پیش کرنے والی کمپنیوں کے صارفین کی تعداد چھ سے سات فیصد بڑھ گئی ہے ۔ مارکیٹ اسٹڈی اور کریڈٹ ریٹنگ کمپنی کرسیل کے ذریعہ آج جاری کردہ رپورٹ میں کہا گیا ہے کہ گذشتہ مالی سال میں ڈی ٹی ایچ کمپنیوں کا مارکیٹ شیئر 34 فیصد تھا جو اب بڑھ کر 37 فیصد ہو گیا ہے ۔ توقع ہے کہ ان کی آمدنی بھی رواں مالی سال میں چار سے چھ فیصد کے درمیان بڑھ کر بائیس ہزار کروڑ روپے ہوجائے گی۔ اس مدت کے دوران ، فری ڈش کا مارکیٹ شیئر بھی 19 فیصد سے بڑھ کر 20 فیصد ہو گیا ہے ، جبکہ کیبل آپریٹرز کا مارکیٹ شیئر 48 فیصد سے کم ہو کر 43 فیصد پر آگیا ہے ۔ کرسیل ریٹنگز کے سینئر ڈائریکٹر سچن گپتا نے بتایا کہ گذشتہ مالی سال میں ڈی ٹی ایچ کمپنیوں کی آمدنی میں 14 فیصد اضافہ ہوا تھا۔ یہ اضافہ صارفین کی تعداد میں نو فیصد اور ہر صارف کے محصول پر پانچ فیصد اضافے کی وجہ سے تھا۔ رواں مالی سال میں ، صارفین کی تعداد چھ سے سات فیصد اضافے کے ساتھ 6.8 کروڑ کے قریب ہوگئی ہے ، لیکن ہر صارف کی آمدنی دو فیصد کم ہوکر 310 سے 315 روپے فی ماہ رہ گئی ہے ۔ اس وجہ سے محصول میں صرف چار چھ فیصد اضافہ ہوگا۔ ایک سے زیادہ ٹیلیویژن سیٹوں کے لئے کنیکشن رکھنے والوں کے لئے ، حکومت کے کمی کے حکم کی وجہ سے ہر صارف کی آمدنی میں کمی آئی ہے ۔ رپورٹ میں کہا گیا ہے کہ رواں سال جنوری اور جون کے درمیان ڈی ٹی ایچ کے صارفین کی تعداد میں نو فیصد اضافہ ہوا ہے ۔ اس وبا کی وجہ سے گھر سے کام کرنے کی روایت میں اضافے کی وجہ سے نئے گراہک بن رہے ہیں۔ دریں اثناء یہ سلسلہ کھیل کے میدان میں ٹی وی سیریل اور مقابلوں کے آغاز کے ساتھ ہی جاری رہنے کی امید ہے ۔ کریسل کا خیال ہے کہ او ٹی ٹی (اوور دی ٹاپ) فی الحال ٹیلی ویژن کی نشریات کے لئے خطرہ نہیں ہے ۔ دونوں مل کر اپنا وجود برقرار رکھ سکتے ہیں کیونکہ ملک میں بنیادی ڈھانچہ او ٹی ٹی کے لئے ابھی تیار نہیں ہے ۔
