ریاض، (یو این آئی) وزیر خارجہ ڈاکٹر ایس جے شنکر نے اتوار کو سعودی عرب کو اس کی متاثر کن ترقی کی تعداد اور توانائی کے بازاروں میں مرکزی پوزیشن کی وجہ سے اسے عالمی معیشت کا ایک اہم کھلاڑی قرار دیا ۔ڈاکٹر جے شنکر نے یہ اطلاع ریاض میں سعودی نیوز کو دی۔ وہ 10 سے 12 ستمبر تک سعودی عرب کے دورے پر ہیں۔پرنس سعود الفضل انسٹی ٹیوٹ آف ڈپلومیٹک اسٹڈیز میں سفارت کاروں سے خطاب کرتے ہوئے ڈاکٹر جے شنکر نے ہند-سعودی اسٹریٹجک پارٹنرشپ کی اہمیت کا ذکر کیا۔ انہوں نے ایسے وقت جب دنیا چوراہے پر ہے ہند-سعودی اسٹریٹجک تعلقات کی اہمیت کا ذکر کرتے ہوئے ٹویٹر پر اس کے بارے میں جانکاری دی۔انہوں نے کہا کہ ہمارا تعاون مشترکہ ترقی، خوشحالی، استحکام، سلامتی اور ترقی کا وعدہ کرتا ہے ۔اپنے دورے کے دوران ای اے ایم نے سعودی معززین کے ساتھ ساتھ گلف کارپوریشن کونسل کے سکریٹری جنرل ڈاکٹر نایف فلاح مبارک الحجراف سے ملاقات کی اور پیداواری صلاحیت پر ایک میٹنگ بلائی۔ڈاکٹر جے شنکر نے اپنے سعودی عرب کے دورے کا آغاز ہندوستانی برادری سے بات چیت کرکے کیا۔ انہوں نے قومی چیلنجوں سے نمٹنے اور ان میں تعاون کرنے پر تارکین وطن کی تعریف کی۔
