ممبئی ( ایجنسی) مہاراشٹر کے یاوتمال میں ایک نوجوان کے ‘میک ان انڈیا’ کا خواب افسوسناک انجام کو پہنچا۔ شیخ اسماعیل عرف منا شیخ ، جنہوں نے منا ہیلی کاپٹر بنایا تھا، ٹیسٹ کے دوران حادثے کا شکارہوگیا۔ شیخ اسماعیل عرف منا شیخ نے صرف 8 ویں جماعت تک تعلیم حاصل کی تھی لیکن ہیلی کاپٹر بنانے کا جذبہ رکھتا تھا۔ پیشہ سے ویلڈر 24 سالہ منا شیخ نے اپنے گیراج میں پرزے ڈال کر ہیلی کاپٹر بنایا۔ اس نے اسے منا ہیلی کاپٹر کا نام دیا۔
علاقے کے مقامی ایم ایل اے راجیندر نظردھانے نے بتایا کہ زیادہ تعلیم یافتہ نہ ہونے کے بعد بھی منا میں صلاحیت تھی اور اپنی مہارت سے اس نے علاقے کا نام روشن کیا تھا۔ لوگوں نے اسے پیار سے رینچو کہا۔ ایک دن پہلے رات میں ، اس نے ہیلی کاپٹر کی ٹسٹ پرواز کی کوشش کی ، لیکن بدقسمتی سے ایک حادثہ پیش آیا اور وہ اپنی جان سے ہاتھ دھو بیٹھا۔ اسماعیل کی موت کی وجہ سے عمر کھیڑاسمبلی حلقہ میں سوگ کی لہر دوڑ گئی ہے۔
