ملک میں 200 کروڑ سے زائد کی کورونا ویکسین دی گئیں: مرکز

0

نئی دہلی (ایس این بی) : مرکزی حکومت نے ہائی کورٹ کو بتایا کہ ملک بھر میں 200 کروڑ سے زیادہ کی کورونا ویکسین لگائی گئی ہیں۔ عدالت نے مرکز کے بیان کی بنیاد پر اس سے متعلق پی آئی ایل کو نمٹا دیا۔ درخواست میں عمر رسیدہ اور معذور افراد کے لیے ویکسینیشن کے لیے رجسٹریشن کے لیے ہیلپ لائن جاری کرنے کا مطالبہ کیا گیا تھا۔
مرکزی حکومت کے وکیل نے عدالت کو بتایا کہ ریاستوں میں گھر گھر ویکسینیشن کی گئی ہے۔ پورے ہندوستان میں 200 کروڑ سے زیادہ لوگوں کو ٹیکے لگائے گئے ہیں۔ اس معاملہ کے لےے مزید سماعت کی ضرورت نہیں۔ اس کے بعد چیف جسٹس ستیش چندر شرما اور جسٹس سبرامنیم پرساد کی بنچ نے کہا کہ درخواست گزار کے وکیل نے بھی واضح طور پر تسلیم کیا کہ حکومت نے بڑے پیمانے پر ویکسینیشن مہم شروع کی ہے۔ اس صورت حال میں مزید کوئی ہدایت دینے کی ضرورت نہیں۔ بنچ نے کہا کہ درخواست گزار کے وکیل کے بیان کو دیکھتے ہوئے موجودہ عرضی کو نمٹا دیا جاتا ہے۔
واضح رہے کہ بستر پر پڑے ایک بزرگ شہری نے گزشتہ سال ہیلپ لائن کی رہائی کا مطالبہ کرتے ہوئے عدالت سے رجوع کیا تھا۔ انہوں نے کہا تھا کہ اگر وہ ویکسینیشن سینٹر جاتے ہیں تو اس کے وائرس سے رابطے میں آنے کا خطرہ زیادہ ہوتا ہے۔ وہ جوڑوں کے درد میں بھی مبتلا ہے لہٰذا بزرگ شہریوں اور گھروں میں بستر پر رہنے والےشہریوں کی ویکسینیشن کے حوالے سے پالیسی بنانے کی ہدایات دی جائیں کیونکہ ان کے پاس اپنی رجسٹریشن کے لیے ضروری سہولتیں نہیں ہیں۔ انہیں یہ بھی بتایا گیا کہ سنگاپور اور آسٹریلیا جیسے کئی ممالک میں میڈیکل ٹیمیں بھیج کر بوڑھے اور بستر پر پڑے شہریوں کو ان کے گھروں پر ویکسین کرنے کا انتظام کیا گیا ہے۔ ایسے انتظامات یہاں بھی ہونے چاہئیں۔