رائے بریلی:(یواین آئی) اترپردیش کے ضلع رائے بریلی میں بارش کی وجہ سے جمعہ کو ایک کچا مکان منہدم ہونے سے اس کے ملبے میں پانچ افراد دب گئے جن میں سے ایک کی موت ہوگئی۔رائے بریلی کے ایس ڈی ایم(صدر) شکھا شنکھوار نے بتایا کہ شہر میں جوشیانہ محلے کے موریا پور علاقے میں لگاتار ہورہی بارش کے دوران ایک کچا مکان منہدم ہوگیا۔ اس میں پانچ افرادکے دبنے کی اطلاع پر فورا راحت رسانی کا کام شروع کیا گیا۔ مکان کے ملبے میں دبنے سے ایک نابالغ کی موت ہوگئی۔شنکھوار نے بتایا کہ صبح تقریبا آٹھ بجے رائے بریلی کے کھنی تلا کے نزدیک جوشیانہ محلے میں مٹی سے بنا دو منزل مکان منہدم ہوگیا۔ مکان میں رہے رہے راجن کشیپ، بیوی منجو دیوی، بیٹا رجت، رجنیش اور بیٹی رجنی مکان کے ملبے کے نیچے دب گئے۔
زخمیوں کو فورا ضلع اسپتال میں داخل کرایا گیا۔ملبے کے نیچے دبنے سے چھوٹے بیٹے رجنیش(03) کی موت ہوگئی۔ڈی ایم مالا شریواستو نے ضلع اسپتال پہنچ کرزخمیوں کا حال چال جانا۔انہوں نے کہا کہ اس معاملے میں انتظامیہ کی جانب سے متاثرہ کنبے کو جو بھی مدد کی جاسکتی ہے وہ عمل میں لائی جائےگی۔
