واشنگٹن:(یو این آئی) سابق امریکی صدر ڈونلڈ ٹرمپ کا ٹوئٹر اکاؤنٹ 22 ماہ بعد دوبارہ بلیو ٹک کے ساتھ بحال ہو گیا ہے۔
ٹویٹر کے نئے مالک ایلون مسک نے اتوار کی صبح ٹویٹ کیا کہ سابق صدر ڈونلاڈ ٹرمپ 22 ماہ بعد ٹویٹر پر واپس آگئے ہیں۔ ان کا ٹویٹر اکاؤنٹ بلیو ٹک کے ساتھ بحال کر دیا گیا ہے۔
چند روز قبل مسٹر مسک نے ٹوئٹر پر ایک سروے کے ذریعے لوگوں سے پوچھا کہ کیا سوشل میڈیا پر مسٹر ڈونلڈ ٹرمپ کا اکاؤنٹ بحال کیا جا سکتا ہے۔ سروے میں زیادہ تر لوگوں کا جواب ‘ہاں’ میں تھا۔
انہوں نے بتایا کہ اس سروے میں 51.8 فیصد یوجرزنے مسٹر ٹرمپ کے اکاؤنٹ کو بحال کرنے کے حق میں ووٹ دیا۔ جبکہ 48.2 فیصد یوجرزاپنے اکاؤنٹ کو بحال کرنے کے حق میں نہیں تھے۔ اس سروے میں کل 1,50,85,458 لوگوں نے حصہ لیا۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
