نئی دہلی(یو این آئی): لوک سبھا انتخابات سے قبل بی جے پی کے کئی لیڈران نے انتخابات نہ لڑنے کی خواہش ظاہر کی ہے۔ جس کے بعد کئی طرح کے قیاس لگائے جا رہے ہیں کہ بی جے پی ان لیڈوروں کو اس بار لوک سبھا انتخابات میں ٹکٹ نہیں دے رہی ہے، اس کی اطلاع ملتے ہی وہ خود آگے بڑھ کر اس کا اعلان بھی کر رہے ہیں۔ اس فہرست میں کرکٹر سے نیتا بنے گوتم گھمبیر کے علاوہ جھارکھنڈ کے ہزاری باغ سے بی جے پی کے رکن پارلیمنٹ جینت سنہا نے سیاست سے خود کو الگ کرنے کا فیصلہ کیا ہے۔
مشرقی دہلی لوک سبھا سیٹ سے بھارتیہ جنتا پارٹی (بی جے پی) کے رکن پارلیمنٹ گوتم گمبھیر نے آئندہ لوک سبھا انتخابات نہ لڑنے کا فیصلہ کیا ہے۔
I have requested Hon’ble Party President @JPNadda ji to relieve me of my political duties so that I can focus on my upcoming cricket commitments. I sincerely thank Hon’ble PM @narendramodi ji and Hon’ble HM @AmitShah ji for giving me the opportunity to serve the people. Jai Hind!
— Gautam Gambhir (@GautamGambhir) March 2, 2024
گوتم گمبھیر نے بی جے پی کے صدر جگت پرکاش نڈا سے درخواست کی ہے کہ وہ انہیں سیاسی ذمہ داریوں سے فارغ کر دیں تاکہ وہ اپنے کرکٹ پر توجہ مرکوز کر سکیں۔
ایک ایکس پوسٹ میں مسٹر نڈا کو مخاطب کرتے ہوئے انہوں نے کہا کہ وہ وزیر اعظم نریندر مودی اور وزیر داخلہ امت شاہ کا شکریہ ادا کرتے ہیں کہ انہوں نے انہیں لوگوں کی خدمت کا موقع دیا۔
وہیں دوسری طرف، جھارکھنڈ کے ہزاری باغ سے بی جے پی کے رکن پارلیمنٹ جینت سنہا نے فعال سیاست سے ریٹائرمنٹ کا اعلان کیا ہے۔ جینت سنہا نے سوشل میڈیا سائٹ ایکس پر یہ جانکاری دی۔ وہ بی جے پی کے دوسرے ایم پی ہیں جنہوں نے بی جے پی امیدواروں کی فہرست سامنے آنے سے پہلے ہی الیکشن لڑنے سے انکار کردیا۔
I have requested Hon’ble Party President Shri @JPNadda ji to relieve me of my direct electoral duties so that I can focus my efforts on combating global climate change in Bharat and around the world. Of course, I will continue to work with the party on economic and governance…
— Jayant Sinha (@jayantsinha) March 2, 2024
سابق وزیر خزانہ یشونت سنہا کے بیٹے جینت سنہا بھی مودی حکومت کے پہلے دور حکومت میں وزیر مملکت برائے خزانہ رہ چکے ہیں۔
مزید پڑھیں: ذات و مذہب کے نام پر ووٹ نہ مانگا جائے،سیاسی پارٹیوں کیلئے الیکشن کمیشن کی ایڈوائزری جاری
معلوم ہو کہ بی جے پی نے ابھی تک اپنے امیدواروں کے ناموں کا باضابطہ اعلان نہیں کیا ہے، اس کے باوجود پارٹی پہلے ہی مختلف سیٹوں پر اپنے امیدواروں کے ناموں کو منظوری دے چکی ہے۔ تاہم، ذرائع کے مطابق، پارٹی کی طرف سے فیصلہ کیا گیا ہے کہ کن سیٹوں سے بی جے پی کے کئی سینئر لیڈران انتخاب لڑیں گے، جن میں وزیر اعظم نریندر مودی اور وزیر داخلہ امیت شاہ شامل ہیں۔
