نئی دہلی: وزیر اعظم مودی نے حال ہی میں ایک ٹویٹ کیا تھا، جس میں پی ایم نے لکھا تھا کہ کووڈ ۔19 ذات پات اور مذہب نہیں دیکھتا۔ اس بارے میں سوشل میڈیا پر مستقل ردعمل سامنے آرہے ہیں، اور بالی ووڈ کی مشہور شخصیات بھی اس پر اپنے ردعمل ظاہر کر رہی ہیں۔ مشہور مصنف جاوید اختر نے بھی ٹویٹ کے ذریعہ وزیر اعظم مودی کے اس معاملے پر اپنا رد عمل ظاہر کیا ہے۔ جاوید اختر کا یہ ٹویٹ کافی وائرل ہو رہا ہے۔ انہوں نے وزیر اعظم مودی کے اس پیام کو ایک 'ستیہ وچن' کہا ہے۔ پی ایم مودی کی اس گفتگو کے بارے میں جاوید اختر نے لکھا ہے ، 'ستیہ وچن' مجھے امید ہے کہ پورا ملک وزیر اعظم کے اس پیغام پر غور کرے گا اور اس پر عمل کرے گا۔ جاوید اختر کا یہ ٹویٹ خوب پڑھا جا رہا ہے، اور اس پر کافی لوگوں کے رد عمل بھی آرہے ہیں۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
