نیمچ: مدھیہ پردیش کے ضلع نیمچ کے رتن گڑھ تھانہ علاقہ میں ایک جیپ کے بے قابو ہوکر پلٹ جانے سے اس میں سوار دو بچوں کی موت ہو گئی، جس میں تقریبا دس افراد زخمی ہو گئے۔ زخمیوں کو نزدیکی اسپتال میں داخل کرایا گیا ہے ۔ پولیس ذرائع کے مطابق گزشتہ شب ضلع کے سنگولي شاہراہ پرجھانتلا موڑ کے نزدیک ایک جیپ بےقابو ہوکر پلٹ گئی، جس سے اس میں سوار ایک ہی کنبے کے تقریبا ایک درجن افراد زخمی ہو گئے۔ زخمیوں کو علاج کے لئے اسپتال لے جایا جا رہا تھا،اس ہی دوران زخمی لڑکی كلپتا (09) اور نوجوان سكھ لال (18) نے اسپتال پہنچنے سے قبل ہی راستے میں دم توڑ دیا۔ پولیس نے بتایا کہ تیز رفتارجیپ کا ٹائر پھٹنے کے بعد وہ بے قابو ہوکر پلٹ کرسڑک سے تقریبا 50 فٹ نیچے گر گئی۔ جیپ سوار تمام لوگ گاؤں الوري گرواڑا کے رہنے والے ہیں، جو تل سیو مہادیو کے ایک پروگرام میں شامل ہونے جا رہے تھے۔ حادثے میں جیپ کا ڈرائیور زخمی ہے جسے علاج کے لئے راجستھان کے کوٹہ پہنچایا گیا ہے۔
