گلاسگو:(ایجنسی)کیا آپ نے کبھی سوچا ہے کہ کتوں کو انسانوں کا بہترین دوست کیوں کہا جاتا ہے ، اگر نہیں تو آپ یہ ویڈیو ضرور دیکھیں، جو ان دنوں سوشل میڈیا پر چھائی ہوئی ہے۔ ویڈیو میں دکھایا گیا ہے کہ گلاسگو، اسکاٹ لینڈ کی ایک سیلاب زدہ گلی میں ایک کار پھنسی ہوئی ہے اور ایک خاتون اور اس کا کتا دونوں کار کو باہر نکالنے کی کوشش کر رہے ہیں۔ کئی بار لوگوں کو سوشل میڈیا پر ایسی ویڈیوز ملتی ہیں جن میں جانوروں اور انسانوں کے درمیان دوستی کا رشتہ دیکھا جاتا ہے۔اس ویڈیو میں کتے کو اپنی مالکن لوری گلیز کی مدد کرتے ہوئے دکھایا گیا ہے۔ دونوں مل کر سیلاب کے پانی میں پھنسی گاڑی کو نکالنے کے لیے زور دے رہے ہیں۔
اس ویڈیو کو فیس بک پر اسپرنگر اسپینیل پک کے مالک لوری گلیز نے شیئر کیا۔ کلپ میں ، گلیز اور پک گاڑی کے گرد چکر لگاتے ہوئے دیکھے جا سکتے ہیں جب انہوں نے گاڑی کے اندر پھنسی دو خواتین کے ساتھ بات چیت کی۔ اس کے بعد دونوں پانی سے باہر نکلے ، گاڑی کو دھکا دیا اور اسے خشک جگہ پر لے گئے۔گلیز نے ڈیلی ریکارڈ کے حوالے سے بتایا کہ “پک اور میں اپنی سیر پر تھے اور وہاں ایک کار تھی جو پانی میں پھنس گئی۔ اندر دو عورتیں تھیں اور میں ان کی مدد کے لیے نیچے گئی۔ اس نے کہا کہ پک ابتدا میں اس کے ساتھ تیر رہا تھا۔میں نے اس کا ویڈیو بنانے کے لیے اپنا فون نکالا اور پھر اس نے دھکا دینا شروع کر دیا۔
https://www.facebook.com/100006355787597/videos/897577434168083/?t=2
