ریاض(یو این آئی): سعودی پرو لیگ میں النصر کلب کی قیادت کرنے والے پرتگالی اسٹار عالمی شہرت یافتہ فٹبالر کرسٹیانو رونالڈو نے مسلمانوں کے مذہبی تہوار عید پر پوری دنیا کے مسلمانوں کو عید کی مبارک باد پیش کی ہے۔ انہوں نے اس موقع پر سفید لباس بھی زیب تن کیا۔اس وقت دنیا بھر میں مسلمان اپنا مذہبی تہوار عیدالفطر روایتی جوش و جذبے کے ساتھ منا رہے ہیں تو کرسٹیانو رونالڈو بھی اس تہوار میں شامل ہوگئے۔
Eid Mubarak! Wishing you all joy, peace and happiness on this special day. pic.twitter.com/P3Fm198yZq
— Cristiano Ronaldo (@Cristiano) April 10, 2024
رونالڈو نے عید کے موقع پر اپنے سوشل میڈیا اکاؤنٹس سے ایک متبسم تصویر جاری کی ہے، جس میں وہ مسلمانوں کا روایتی سفید رنگ کا لباس زیب تن کیے ہوئے ہیں اور اہل اسلام کو عید کی مبارک باد پیش کی۔انہوں نے سماجی رابطے کی ویب سائٹ ایکس پر شیئر کردہ اپنی پوسٹ کے کیپشن میں لکھا۔”عید مبارک! اس خاص دن کے موقع پر آپ سب کو خوشیاں، امن اور سلامتی نصیب ہو“۔
واضح رہے کہ یہ پہلا موقع نہیں جب اسٹار فٹ بالر کرسٹیانو رونالڈو مسلمانوں کے رنگ میں رنگے ہوں بلکہ اس سے قبل انہوں نے الشباب کے خلاف کھیلتے ہوئے اپنے فیصلہ کن گول کے بعد مبینہ طور پر عاجزی سے سجدہ شکر ادا کیا تھا۔
یہ بھی پڑھیں: ’فلسطین کو آزاد ریاست کے طور پر تسلیم کرنے کیلئے تیار ہیں‘
واضح رہے کہ اس سے قبل رونالڈو کی رمضان المبارک کے علاوہ عرب ثقافت، عربی زبان میں اظہار تشکر، انشا اللہ، سجدہ شکر سمیت کئی ایسی ویڈیوز اور پیغامات منظر عام پر آئے ہیں، جس نے مسلمانوں کے دل جیت لیے ہیں۔
خیال رہے کہ انھوں نے سعودی عرب میں رہائش اختیار کی ہوئی ہے۔
