بھوپال: مدھیہ پردیش کے وزیر اعلی شیوراج سنگھ چوہان نے آج کہا کہ وزیر اعظم نریندر مودی کی موثر قیادت کو کورونا وبا کے خلاف مہم میں ملک اور دنیا نے سراہا ہے۔
چوہان نے ٹوئیٹ کے ذریعے کہا کہ اب مودی کی رہنمائی میں ملک کورونا ویکسینیشن کے لئے تیار ہے۔ مدھیہ پردیش میں بھی ہماری تیاریاں مکمل ہوچکی ہیں اور وہ بھی اس کا جائزہ لیں گے۔ انہوں نے کہا کہ یہ ہمارے وزیر اعظم کی بصیرت اور پرعزم کوششوں کا نتیجہ ہے کہ ملک میں سب سے سستی کورونا ویکسین تیار کی گئی ہے۔
اس سے ملک کے ساتھ ساتھ پوری دنیا کو فائدہ ہوگا۔ ہرایک کی فلاح و بہبود واسودھیو کٹمبکم کی روح اور ہمارا مقصد ہے۔
چوہان نے ٹوئیٹس کی ایک سیریز میں لکھا ہے کہ ملک اس راہ پر گامزن ہے جو وزیر اعظم مودی نے خود کفیل ہندوستان کو دیا ہے۔ کورونا کی ویکسین کی تیاری بھی ان کا خود کفیل ہندوستان کے خواب کو پورا کررہی ہے۔ ہرملک کے شہری کو یقین ہے کہ جلد ہی کورونا مکمل طور پر شکست کھا جائے گا اور ہندوستان مکمل طور پر صحتمند ہوگا۔
