آگ لگنے کی وجہ سے دو بچیوں کی موت

شیوپوری:(یواین آئی)مدھیہ پردیش کے شیوپری ضلع کے نیا گاؤں ٹیلامجرا میں ایک جھوپڑی میں اچانک آگ لگنے سے دو سگی بہنوں کی جل کر موت ہوگئی۔ پولیس ذرائع نے بتایا کہ کل کے اس واقعہ میں مرنے والی بچیوں کی پہچان چار سالہ ہمانشی اور ڈھائی سالہ نتیا کے طورپر ہوئی ہے۔دونوں بچیوں کے والدین کام پر گئے تھے اور وہ جھوپڑی میں دو دیگر سہیلیوں کے ساتھ کھیل رہی تھیں،تبھی اچانک جھوپڑی میں آگ لگ گئی۔ان کی سہیلیاں کسی طرح جھوپڑی سے باہر بھاگ گئیں اور یہ دونوں بہنیں جھوپڑی کے اندر ہی رہ گئیں۔آ س پاس کے لوگوں نے آگ بجھائی تب تک دونوں بہنیں جھلس چکی تھیں۔ذرائع نے کہا کہ آگ لگنے کی وجوہات کا پتہ لگایا جارہا ہے۔