وزیر اعظم مودی کی ملک کے باشندوں سے مہم کو کامیاب بنانے کی اپیل
نئی دہلی(ایجنسیاں): ہندوستان میں کورونا کی دوسری لہر سے کہرام مچاہوا ہے۔ پورا ملک ایک ساتھ مل کر کورونا کے خلاف لڑائی لڑ رہا ہے۔ اسی سلسلے میں ملک میں ٹیکہ کاری مہم چلائی جارہی ہے۔ ملک میں ٹیکہ کاری مہم کو رفتار دینے کے لئے وزیر اعظم مودی نے آج سے ’ٹیکہ اتسو‘ کا آغاز کیا ہے۔ آج سے ملک بھر میں ٹیکہ اتسو شروع ہورہا ہے جو 14 اپریل تک چلے گا۔وزیراعظم نریندر مودی نے ملک کے باشندوں سے کووڈ-19وبا کے خلاف پورے ملک میں جاری مہم کے تحت آج سے شروع ’ٹیکہ اتسو‘ (ٹیکہ جشن) کو مکمل بنانے کی درخواست کی ہے ۔ مسٹر مودی نے اتوار کے روز ٹویٹ کرکے عوام سے کہاکہ آج سے ہم سبھی، پورے ملک میں ٹیکہ اتسو کا آغاز کر رہے ہیں۔ کورونا کے خلاف لڑائی کے اس مرحلے میں ملک کے باشندوں سے میری چار اپیل ہے ۔ وزیراعظم نے نمو ایپ پر اپنی چاروں اپیل کے بارے تفصیل سے لکھا ہے ۔ انہوں نے کہا،‘آج 11 اپریل یعنی جیوتیبا پھولے جینتی سے ہم ملک کے باشندے ‘ٹیکہ اتسو’ کا آغاز کر رہے ہیں۔ یہ ٹیکہ جشن 14 اپریل یعنی بابا صاحب امبیڈکر جینتی تک جاری رہے گا۔ یہ جشن ایک طرح سے کورونا کے خلاف دوسری بڑی جنگ کی شروعات ہے ۔ اس میں ہمیں ذاتی طور پر صاف صفائی کے ساتھ ہی سماجی طور پر صاف صفائی پر خصوصی زور دینا ہے ۔ انہوں نے کہاکہ ہمیں یہ چار باتیں ضرور یاد رکھنی ہیں۔ ہر شخص ایک شخص کو ٹیکہ لگوائے ۔ یعنی جو لوگ کم پڑھے لکھے ہیں، بزرگ ہیں جو خود جا کر ٹیکہ نہیں لگوا سکتے ، ان کی مدد کریں۔ ہر شخص ایک شخص کے علاج میں مدد کرے ۔ یعنی جن لوگوں کے پاس اس قدر وسائل نہیں ہیں، جنھیں معلومات کم ہے ، ان کا کورونا کے علاج میں تعاون کریں۔ ہر شخص ایک شخص کے تحفظ کو یقینی بنائے ، یعنی میں خود بھی ماسک پہنوں اور اس طرح خود کو بھی بچاؤں اور دوسروں کو بھی بچاؤں، اس پر زور دینا ہے ۔مسٹر مودی نے کہاکہ چوتھی اہم بات، کسی کو کورونا ہونے کی صورت میں ’مائیکرو کنٹینمنٹ زون‘ بنانے کی قیادت سماج کے لوگ کریں۔ جہاں پر ایک بھی کورونا پوزیٹیو کیس آیا ہے ، وہاں خاندان کے لوگ، سماج کے لوگ، مائیکرو کنٹینمنٹ زون’بنائیں۔ ہندوستان جیسی گھنی آبادی والے ہمارے ملک میں کورونا کے خلاف لڑائی کا ایک اہم ترین طریقہ ’مائیکرو کنٹینمنٹ زون‘بھی ہے ۔
وزیراعظم نے کہا،‘ایک بھی پوزیٹیو کیس آنے پر ہم سبھی کا بیدار رہنا، باقی لوگوں کی بھی ٹیسٹنگ کروانا، بہت ضروری ہے ۔ اسی کے ساتھ جو ٹیکہ لگوانے کا مستحق ہے ، اسے ٹیکہ لگے ، اس کی کوشش سماج کو بھی کرنی ہے اور انتظامیہ کو بھی۔ ایک بھی ویکسین کا نقصان نہ ہو، ہمیں یہ یقینی بنانا ہے ۔ ہمیں زیرو ویکسین ٹیسٹ کی طرف بڑھنا ہے ۔ اس دوران ہمیں ملک کی ویکسی نیشن کی استعداد کے آپٹیمم یوٹیلائیزیشن کی طرف بڑھنا ہے ۔ یہ ہماری کَیپیسِٹی بڑھانے کا بھی ایک طریقہ ہے ۔انہوں نے کہاکہ ہماری کامیابی اس بات سے طے ہوگی کہ ‘مائیکرو کنٹینمنٹ زون’ کے تئیں کتنی بیداری ہم لوگوں میں ہے ۔ ہماری کامیابی اس بات سے طے ہوگی کہ ضرورت نہ ہو، تو ہم گھر سے باہر نہ نکلیں۔ ہماری کامیابی اس بات سے طے ہوگی کہ جو ٹیکہ لگوانے کا مستحق ہے ، اسے ٹیکہ لگے ۔ ہماری کامیابی اس بات پر منحصر ہوگی کہ ہم ماسک پہننے اور دیگر ضابطوں پر کس طرح عمل درآمد کرتے ہیں۔ انہوں نے کہا کہ ان چار دنوں میں ذاتی سطح پر، سماجی سطح پر اور انتظامیہ کی سطح پر ہمیں اپنے اپنے ہدف بنانے ہیں، انھیں پانے کے لیے پوری کوشش کرنی ہے ۔ مجھے پورا بھروسہ ہے ، اسی طرح عوامی شراکت داری سے ، بیدار رہتے ہوئے ، اپنی ذمہ داری ادا کرتے ہوئے ، ہم ایک بار پھر کورونا کو قابو کرنے میں کامیاب ہوں گے ۔ یاد رکھیے ! دوائی بھی کڑائی بھی۔
