نئی دہلی :فیڈ کپ کے ایشیا اوشیانا زون گروپ اے کے مقابلے کے لئے اعلان ہندوستانی ٹیم میں اسٹار کھلاڑی ثانیہ مرزا کو شامل کیا گیا ہے ۔سلیکشن کمیٹی کی منگل کو یہاں ہوئی میٹنگ میں فیڈ کپ کے لئے چھ رکنی ہندستانی ٹیم کا انتخاب کیا گیا۔ٹیم میں انکتا رینا، ریا بھاٹیہ، روتجا بھوسلے ، کرمن کور تھاڈ اور ثانیہ مرزا کو شامل کیا گیا ہے جب کہ سوزنیا باویشٹ اس ٹیم کی ریزرو کھلاڑی ہیں ۔ وشال اپل کو ٹیم کا کپتان اور انکتا بھامبری کو ٹیم کا کوچ بنایا گیا ہے۔ ثانیہ آخری بار 2017 کے چائنا اوپن میں کھیلی تھیں ۔ وہ اس کے بعد سے زچگی کی چھٹی پر تھیں ۔ 33 سالہ ثانیہ نے حال ہی میں کہا تھا کہ وہ جنوری 2020 میں ہوبارٹ انٹرنیشنل سے مقابلہ ٹینس میں واپسی کریں گی۔ثانیہ نے یہ بھی کہا تھا کہ وہ سال کے پہلے گرینڈ سلیم آسٹریلین اوپن میں بھی کھیلیں گی۔وہ یوکرائن کی نادیہ کچینوک کے ساتھ جوڑی بنائیں گی جو عالمی رینکنگ میں 38 ویں نمبر کی کھلاڑی ہیں۔ثانیہ نے پاکستانی کرکٹر شعیب مالک سے شادی کی تھی اور اپنے پہلے بیٹے اذہان کو گزشتہ سال اکتوبر میں جنم دیا تھا.ثانیہ چھ گرینڈ سلیم خطاب کی فاتح ہیں اور ٹینس کورٹ پر اترنے کو بے تاب ہیں ۔ وہ آسٹریلین اوپن کے مکسڈ ڈبلز میں امریکہ کے راجیو رام کے ساتھ جوڑی بنائیں گی۔
