راہل گاندھی نے کیرل کے وایناڈ سے پرچہ نامزدگی داخل کیا

اس دوران راہل گاندھی کے ساتھ ان کی بہن اور کانگریس لیڈر پرینکا گاندھی واڈرا بھی موجود تھیں۔ پرچہ نامزدگی داخل کرنے سے پہلے مسٹر گاندھی نے وایناڈ کے کلپٹہ سے سول اسٹیشن تک روڈ شو بھی کیا۔ روڈ شو میں یونائیٹڈ ڈیموکریٹک فرنٹ (یو ڈی ایف) کے رہنماؤں اور کارکنوں نے بھی شرکت کی۔

 یو ڈی ایف کے سینکڑوں کارکن روڈ شو کے لیے قطار میں کھڑے تھے۔ اس کے علاوہ، مختلف عمر کے لوگ مسٹر گاندھی کی تصویر کے ساتھ پارٹی کے جھنڈے، پلے کارڈز اور پارٹی کے رنگ والے غبارے لے کران کے استقبال کے لئے سڑکوں کے کنارے جمع ہوئے۔

जननायक @RahulGandhi जी ने वायनाड, केरल से अपना लोकसभा नामांकन भरा।

जय लोकतंत्र 🇮🇳 pic.twitter.com/wQrDLNdgrU

— Congress (@INCIndia) April 3, 2024

اس موقع پر گاندھی نے کہا کہ وہ وایناڈ کے مسائل کو ملک اور دنیا کے سامنے لانے کے لیے ہمیشہ تیار ہیں۔ انہوں نے کہا کہ اگر مرکز اور کیرالہ میں کانگریس کی حکومت بنتی ہے تو ریاست کے تمام مسائل حل ہو جائیں گے۔

قابل ذکر ہے کہ یہاں اصل مقابلہ راہل گاندھی اور کمیونسٹ پارٹی آف انڈیا (سی پی آئی) کے رہنما اور لیفٹ ڈیموکریٹک فرنٹ (ایل ڈی ایف) کی امیدوار اینی راجہ اور بھارتیہ جنتا پارٹی (بی جے پی) کے ریاستی صدر کے سریندرن کے درمیان ہے۔

مزید پڑھیں: عام آدمی پارٹی کے رہنما سنجے سنگھ تہاڑ جیل سے رہا ہوئے، دیکھیں ویڈیو

روڈ شو کے دوران لوگوں سے خطاب کرتے ہوئے مسٹر گاندھی نے کہا کہ وایناڈ ان کا گھر ہے۔ یہاں کے لوگ ان کے خاندان کے افراد کی طرح ہیں۔ بھرپور تاریخ اور خوبصورت روایات کی یہ سرزمین انہیں متاثر کرتی ہے۔