ہنگامہ آرائی کی وجہ سے وزیر اعظم نئے وزراء کا تعارف نہیں کراسکے،ایوان 2 بجے تک ملتوی

0
Indian Lekhak

نئی دہلی : (یو این آئی) پارلیمنٹ کے مون سون اجلاس کے پہلے دن لوک سبھا (ایوان زیریں) میں ہنگامہ آرائی کی وجہ سے ، وزیر اعظم نریندر مودی ایوان میں اپنی کابینہ میں شامل وزرا کا باضابطہ طور پر متعارف نہیں کرا سکے اور انہیں ایوان کے ٹیبل پر وزرا کے تعارف کی دستاویزات رکھنے پڑے۔
جیسے ہی ایوان کی کارروائی 11 بجے شروع ہوئی ، پہلے قومی ترانہ بجایا گیا اور پھر نومنتخب ممبروں کو حلف دلایا گیا۔ اس کے بعد اسپیکر اوم بریلا نے وزیر اعظم سے نئے وزراء کو ایوان میں متعارف کرانے کی درخواست کی۔ لیکن اپوزیشن کے ارکان نے ہنگامہ آرائی شروع کردی۔ تین زرعی قوانین واپس لینے کے مطالبے پر ہنگاموں کے درمیان اسپیکر نے حزب اختلاف کے ممبروں پر زور دیا کہ ایوان کے وقار اور روایات سب سے اوپر ہے۔ اسے نہ توڑیں ، روایات کے وقار کو ٹھیس نہ پہنچائیں۔
پارلیمانی امور کے وزیر پرہلاد جوشی نے بھی کہا کہ وزیر اعظم نئے وزراء کا تعارف کروانا چاہتے ہیں۔

مودی نے کہا ’’میں سوچ رہا تھا کہ آج ایوان میں جوش و خروش کا ماحول ہوگا کیونکہ ہماری بہت سی خواتین اراکین پارلیمنٹ وزیر بنی ہیں۔ آج مجھے خوشی ہوتی کہ دلت بھائی اور قبائلی وزیر بنےہیں۔ سب کو خوش ہونا چاہئے کہ ہمارے درمیان جو کسان ، دیہی ، معاشی طور پر پسماندہ اور دوسرے پسماندہ طبقے سے تعلق رکھتے ہیں ، انہیں کابینہ میں موقع ملا ہے۔ شاید کچھ لوگوں کو یہ حقیقت پسند نہیں ہے کہ دلتوں، خواتین اورکسانوں کو وزیر بننا چاہئے۔
وزیر اعظم نے کہا’’نئے نئے وزرا کو لوک سبھا میں وقف ہونا سمجھا جائے۔
اوم برلا نے حزب اختلاف کے ممبروں کے برتاؤ پر افسوس کا اظہار کیا اور کہا کہ یہ بالکل غیر منصفانہ ہے۔ نئے وزراء کی فہرست ایوان کے ٹیبل پر رکھی جاسکتی ہے۔
ایوان کے ڈپٹی لیڈر اور وزیر دفاع راج ناتھ سنگھ نے کہا ’’یہ ایوان کی صحتمند روایت رہی ہے کہ وزیر اعظم ایوان کی کارروائی کا آغاز ہوتے ہی اپنی وزراء کونسل کے نئے ممبروں کو متعارف کرواتا ہے اور پورا ایوان وزیر اعظم کی باتوں کو سنتا ہے۔ ایوان کابینہ کونسل سے واقف ہوتا ہے ۔ میں نے 24 سال کی پارلیمانی زندگی میں پہلی بارایسا دیکھا ہے کہ اس صحت مند روایت کو توڑا گیا ہے۔ کانگریس کا یہ طرز عمل بدبختانہ ہے‘‘۔
ہنگامہ جاری رہنے کی وجہ سے اسپیکر نے ایوان کو دوپہر 2 بجے تک ملتوی کرنے کا اعلان کیا۔

آپ کے تاثرات
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here