ہندوستان میں پٹرول – ڈیزل کی قیمتیں مستحکم

0
Image: India Tv News

نئی دہلی :(یو این آئی ) پٹرول اورڈیزل کی قیمتیں پیر کوتاریخی بلندترین سطح پرمستحکم رہیں۔
گزشتہ 4 مئی سے اب تک پٹرول اور ڈیزل کی قیمتوں میں 12 دن اضافہ کیا گیا ہے جبکہ ان کی قیمتوں میں نو دن سے کوئی تبدیلی نہیں کی گئی ہے۔ اس دوران دہلی میں پٹرول 2.81 روپے اور ڈیزل میں 3.34 روپے مہنگا ہوگیا ہے
معروف آئل مارکیٹنگ کمپنی انڈین آئل کارپوریشن کی ویب سائٹ کے مطابق قومی دارالحکومت دہلی میں آج پٹرول 93.21 روپے اور ڈیزل 84.07 روپے فی لیٹر رہا ۔ قبل ازیں اتوار کے روزان کی قیمتوں میں اضافہ کیا گیا تھا۔
ممبئی ، چنئی اور کولکتہ میں بھی پیٹرول اور ڈیزل کی قیمتوں میں کوئی تبدیلی نہیں کی گئی۔ ممبئی میں پٹرول 99.49 روپے ، چنئی 94.86 روپے اور کولکتہ میں 93.27 روپے فی لیٹر پر فروخت ہوا۔
ڈیزل کی قیمت ممبئی میں 91.30 روپے،چنئی میں 88.87 روپے اور کولکتہ میں 86.91 روپے فی لیٹر رہی۔
پٹرول اور ڈیزل کی قیمتوں کاروزانہ جائزہ لیا جاتا ہے اوراسی بنا پر،ہر دن صبح چھ بجے سے نئی قیمتوں کا اطلاق ہوتا ہے۔
ملک کے چار میٹرو شہروں میں آج پٹرول اور ڈیزل کی قیمتیں درج ذیل رہیں۔
شہر کا نام — پیٹرول — ڈیزل
دہلی ——93.21 ——84.07
ممبئی —— 99.49 —— 91.30
چنئی —— 94.86 —— 88.87
کولکاتا—— 93.27 —— 86.91

سوشل میڈیا پر ہمارے ساتھ جڑنے کے لیے یہاں کلک کریں۔ Click 👉 https://bit.ly/followRRS