ایڈیلیڈ (یو این آئی) : کین ولیمسن (61) اور لوکی فرگوسن (22/3) کی قیادت میں گیند بازوں کی شاندار کارکردگی کی بدولت نیوزی لینڈ نے ٹی۔ٹوئنٹی ورلڈ کپ 2022 کے سپر12 میچ میں جمعہ کو آئرلینڈ کو 35 رنز سے شکست دے کر سیمی فائنل کے لیے کوالیفائی کر لیا۔گروپ ون کے میچ میں نیوزی لینڈ نے آئرلینڈ کے سامنے 186 رنز کا ہدف دیا جس کے جواب میں آئرلینڈ صرف 150 رنز بنا سکی۔
طویل عرصے سے خراب فارم میں چل رہے ولیمسن نے 35 گیندوں میں پانچ چوکوں اور تین چھکوں کی مدد سے 61 رنز بنا کر اپنی ٹیم کو مضبوط اسکور تک لے گئے ۔ ولیمسن کی اننگز نے نیوزی لینڈ کو 200 رنز تک پہنچا دیا لیکن جوشوا لٹل نے 19ویں اوور میں ہیٹ ٹرک کر کے انہیں 185 رنز تک محدود کر دیا۔
آئرلینڈ کے اوپنرز پال اسٹرلنگ اور اینڈریو بالبرنی نے اپنی ٹیم کو شاندار آغاز فراہم کیا، حالانکہ دیگر بلے باز اس آغاز کا فائدہ نہ اٹھا سکے ۔ اسٹرلنگ نے 27 گیندوں پر تین چوکوں اور ایک چھکے کی مدد سے 37 جبکہ بلبیرنی نے 25 گیندوں پر 30 رنز بنائے ۔ آئرلینڈ کی اسپن کھیلنے میں ناکامی ایک بار پھر آڑے آگئی اور ایش سوڈھی اور مشیل سینٹنر کی جوڑی ان کے لیے مہلک ثابت ہوئی۔ دونوں نے درمیانی اوورز میں چار وکٹیں لے کر رن ریٹ پر لگام ڈالی جس سے آئرلینڈ ابھر نہیں سکا۔
نیوزی لینڈ نے پانچ میچوں میں سات پوائنٹس کے ساتھ گروپ 1 میں سرفہرست رہ کر سیمی فائنل کے لیے کوالیفائی کر لیا ہے ۔ٹی ٹوئنٹی ورلڈ کپ 2021 کی چیمپئن آسٹریلیا سات پوائنٹس کے ساتھ دوسرے نمبر پر ہے ، حالانکہ اس کا رن ریٹ پانچ پوائنٹس والے انگلینڈ سے بھی بدتر ہے ۔ جو اپنا آخری گروپ مرحلے کا میچ ہفتے کو سری لنکا کے خلاف کھیلنا ہے ۔ آئرلینڈ نے ٹاس جیت کر نیوزی لینڈ کو بیٹنگ کے لیے بلایا۔ فن ایلن نے اپنی ٹیم کو دھماکہ خیز آغاز فراہم کیا، انہوں نے 18 گیندوں پر پانچ چوکوں اور ایک چھکے کی مدد سے 32 رنز بنائے ۔ انہوں نے ڈیون کونوے کے ساتھ پہلی وکٹ کے لیے 52 رنز کی شراکت داری کی، حالانکہ کونوے 33 گیندوں پر صرف 28 رنز ہی بنا سکے ۔
ولیمسن نے جارحانہ کرکٹ کھیلنے کے اس دھماکہ خیز آغاز کا فائدہ اٹھایا اور ٹورنامنٹ میں اپنی پہلی ففٹی بنائی۔ ڈیرل مچل نے ولیمسن کا ساتھ دیا، انہوں نے 21 گیندوں میں دو چوکوں کی مدد سے 31 رنز بنائے جب کہ دونوں نے 60 رنز کی شراکت قائم کی۔ جوشوا لٹل نے 19 ویں اوور میں ولیمسن، جیمز نیشم اور مچل سینٹنر کو آؤٹ کر کے اپنی ہیٹ ٹرک مکمل کی، آئرلینڈ نے نیوزی لینڈ کو 185 رنز تک محدود کر دیا۔
اس کے علاوہ گیرتھ ڈیلانی نے دو جبکہ مارک ایڈیئر نے ایک وکٹ حاصل کی۔
ہدف کے تعاقب میں آئرلینڈ کے اوپنرز نے ٹیم کو شاندار آغاز فراہم کیا اور پہلی وکٹ کے لیے 68 رنز جوڑے ۔ اینڈریو بالبرنی اور پال اسٹرلنگ نیوزی لینڈ سے میچ چھین رہے تھے لیکن آئرلینڈ کی اسپن کھیلنے میں ناکامی ایک بار پھر آڑے آگئی۔ ایش سوڈھی اور مچل سینٹنر کی جوڑی نے درمیانی اوورز میں رن ریٹ پر قابو پانے کے لیے دو دو وکٹیں حاصل کیں۔ سوڈھی نے اسٹرلنگ اور لورکن ٹکر کو آؤٹ کیا جبکہ سینٹنر نے بالبرنی اور ہیری ٹییکٹر کی وکٹیں لیں۔ پہلے آٹھ اوورز میں بغیر کسی نقصان کے 68 رنز بنانے کے بعد آئرلینڈ اگلے سات اوورز میں پانچ وکٹوں کے نقصان پر صرف 35 رنز بنا سکی۔جارج ڈوکریل (23) نے آخر میں کچھ اچھے شاٹس کھیلے لیکن وہ صرف شکست کے مارجن کو ہی کم کر سکے ۔
