نئی دہلی: وزیر اعظم نریندر مودی نے اکشے ترتیہ تہوار پر ماحولیاتی تحفظ کا عزم کرنے کی اپیل کرتے ہوئے اتوار کو کہا کہ کووڈ -19 وبا
کے اس بحران کے دور میں چھوٹا سا عطیہ کرنے کی کوشش آس پاس کے بہت سے لوگوں کے لئے بہت بڑا سمبل بن سکتا ہے۔ پی ایم مودی نے ریڈیو پر اپنے ماہانہ پروگرام’من کی بات‘کے دوسرے حصے کی 11 ویں کڑی میں ہم وطنوں سے خطاب کرتے ہے کہا کہ اکشے ترتیہ تہوار
کی اس سال خاص اہمیت ہے۔ اس موقع پر لوگوں کو اپنے ماحول، جنگل، دریا اور پورے ماحولیاتی نظام کے تحفظ کے بارے میں سوچنا چاہئے۔ یہ انسانی زندگی میں اہم
کردار ادا کرتے ہیں۔ انہوں نے کہا،”اگر ہم’اکشے ' رہنا چاہتے ہیں تو ہمیں پہلے اس بات کا یقین کرنا ضروری ہے کہ ہماری زمین‘اکشے‘ (قابل تجدید)
رہے۔“
انہوں نے کہا کہ’کشے‘کا مطلب تباہی ہوتا ہے لیکن جو کبھی تباہ نہیں ہو، جو کبھی ختم نہیں ہو وہ ’اکشے‘ہے۔ کورونا وبا کے مشکل وقت میں یہ ایک ایسا
دن ہے جو ہمیں یاد دلاتا ہے کہ روح اورجذبہ،’اکشے‘ہے۔ یہ دن یاد دلاتا ہے کہ چاہے کتنی بھی مشکلات راستہ روک دیں، چاہے کتنی بھی آفات آئیں، چاہے کتنی
بھی بیماریوں کا سامنا کرنا پڑے۔ ان سے لڑنے اور نبرد آزما ہونے کا انسانی جذبہ اکشے ہے۔
وزیر اعظم نے کہا، "آج کچھ نیا شروع کرنے کا دن ہے، تو، ایسے میں کیا ہم سب مل کر، آپ کی کوششوں سے، اپنی سرزمین کو اکشے اور محفوظ بنانے کا عہد لے
سکتے ہیں؟“
