بارش ہو یا گرمی، چوروں کے خلاف جدوجہد جاری رہے گی: عمران خان

0

جہلم: (یو این آئی) پاکستان تحریک انصاف (پی ٹی آئی) کے سپریمو اور سابق وزیر اعظم عمران خان نے کہا ہے کہ ملک کے ‘چوروں’ کے خلاف ان کی جدوجہد جاری رہے گی، چاہے بارش ہو یا گرمی۔ مسٹر خان نے جہلم میں جلسہ عام سے خطاب کرتے ہوئے کہا کہ وہ پاکستان میں قانون کی بالادستی کی جنگ لڑ رہے ہیں۔ انہوں نے کہا کہ میں نے قانون اور آئین کی حدود میں رہتے ہوئے 26 سال جدوجہد کی ہے۔
شریف اور زرداری خاندانوں کا ذکر کرتے ہوئے انہوں نے دعویٰ کیا کہ پاکستان میں ان کے دور حکومت سے پہلے ملک سب سے اوپر تھا۔ انہوں نے کہا کہ نواز شریف نے ملک کو لوٹا اور اب ہمیں بتا رہے ہیں کہ کیا کرنا ہے۔پی ٹی آئی صدر نے کہا کہ حکومت کو انٹرنیشنل مانیٹری فنڈ (آئی ایم ایف) سے مذاکرات کرنے چاہئیں۔ شہباز شریف اور مفتاح اسماعیل کا کہنا ہے کہ آئی ایم ایف پروگرام ہماری وجہ سے تاخیر کا شکار ہوگا۔پاکستان میں سیلاب کی تباہ کاریوں پر سابق وزیراعظم نے حکومت سے سوال کیا کہ سیلاب کی وارننگ تو بہت پہلے آچکی تھی لیکن اس کے باوجود حکومت نے اس سے نمٹنے کے لیے کیا تیاری کی؟ انہوں نے الزام لگایا کہ حکومت سیلاب سے نمٹنے کے لیے پالیسیاں بنانے کے بجائے سازش کر رہی ہے اور یہ سازش ان کے خلاف نہیں بلکہ ملک کی جمہوریت کو کمزور کرنے کی ہے۔
اتحادیوں پر طنز کرتے ہوئے انہوں نے کہا کہ وہ نہیں جانتے کہ حکومت کیسے چلائی جاتی ہے۔ انہوں نے کہا کہ حکومت پی ٹی آئی کو گھیر رہی ہے اور مجھے نااہل کرنے کی کوشش کر رہی ہے۔ اتحادی انتخابات سے خوفزدہ ہیں کیونکہ وہ سمجھتے ہیں کہ پی ٹی آئی انہیں شکست دے دے گی۔

سوشل میڈیا پر ہمارے ساتھ جڑنے کے لیے یہاں کلک کریں۔ Click 👉 https://bit.ly/followRRS