مکہ مکرمہ: سعودی عرب کے شہر مکہ مکرمہ میں بڑے پیمانے پر سونے کے ذخائر موجود ہونے کا انکشاف ہوا ہے، قیمتی دھاتوں کے ادارے ’معادن‘ کے مطابق بڑے پیمانے پر سونے کی موجودگی کے امکانات پائے گئے ہیں۔
غیر ملکی ذرائع ابلاغ کے مطابق قیمتی دھاتوں سے متعلق سعودی کمپنی ’معادن‘ نے اس حوالے سے انکشاف کیا ہے کہ ماہرین کی جانب سے مکہ ریجن کے 100 کلو میٹر کے علاقے میں قیمتی دھات سونے کی بڑی مقدار موجود ہونے کے شواہد سامنے آئے ہیں۔
In 2022, #Maaden launched one of the world’s largest exploration programs. Today, we’ve found a potential world-class gold belt in #SaudiArabia. This marks a historic moment in our commitment to unearth the Kingdom’s mineral resources as part of #SaudiVision2030. pic.twitter.com/Z0mHrbmzxM
— MA’ADEN | معادن (@MaadenKSA) December 28, 2023
جیالوجیکل سروے ٹیم کی رپورٹ کے مطابق مکہ مکرمہ میں 100 کلو میٹر کے رقبے میں سونے کی بڑی مقدار کا سراغ ملا ہے۔ رپورٹ میں مزید بتایا گیا ہے کہ ماہرین اس حوالے سے سرگرم ہوگئے ہیں تاکہ اس حوالے سے یہ معلوم ہوسکے کہ کہاں کہاں سونے کے ذخائر موجود ہیں۔
مزید پڑھیں: اسرائیل کے خلاف جنگ پر ابوعبیدہ کا دوٹوک اعلان
سعودی کمپنی ’معادن‘ کے مطابق گزشتہ برس 2022 میں معادن کی جانب سے قیمتی دھاتوں کی تلاش کا منصوبہ سامنے آیا تھا۔ منصوبے کا مقصد مملکت کے مختلف علاقوں میں سونا اور دیگر قیمتی دھاتوں کی تلاش کے لیے ماہرین کی ٹیمیں تشکیل دی گئی تھیں جن کے ذمہ مختلف میدانی اور پہاڑی علاقوں کا سروے کر کے یہ معلوم کرنا ہے کہ کن علاقوں میں قیمتی دھاتیں پائی جاتی ہیں۔
