ٹوئٹر میں مچی کھلبلی، ایلون مشک نے 3000ورکروں کو نکالنے کی تیاری

0

نئی دہلی (ایجنسی): ٹوئٹر کےمالک اب ایلون مشک بن گئے ہیں اور اس کے بعد سے ہی کمپنی کے ورکروں کے لئے برے دن آتے نظر آرہے ہیں۔ ایلون مشک نے سوشل میڈیا کمپنی کی کمان سنبھالتے ہی سی ای او پراگ اگروال سمیت کئی سینئر افسران کو ہٹا دیا تھا۔ اب کہا جارہا ہے کہ ایلون مشک 3000اور ورکروں کو کمپنی سے الگ کرنے کے تیاری میں ہیں۔ بلوم برگ کی ایک رپورٹ میں یہ معلومات دی گئی ہیں۔ رپورٹ کے مطابق ایلون مشک ٹوئٹر کے ادھے ورکروں کو نکالنا چاہتے ہیں۔ ان ورکروں کی تعداد 3700کے قریب ہیں۔ ان ورکروں کو اس ہفتہ کے آخر میں نوکری سے نکالنے کی اطلاع دی جائے گی۔