لالو یادو بلامقابلہ 11ویں دفعہ آر جے ڈی کےصدرمنتخب

0

پٹنہ:آر جے ڈی سربراہ لالو پرساد یادو دوبارہ راشٹریہ جنتا دل کے صدر منتخب کرلیے گئے ہیں۔ واضح رہے کہ لالو یادو عرصے سے بدعنوانیوں کے معاملات میں جیل میں بند ہیں۔ لیکن ان کی مقبولیت برقرار ہے۔ 
وہ مسلسل گیارہویں مرتبہ پارٹی صدر بنے ہیں۔ 3 دسمبر کی دوپہر آر جے ڈی کے تنظیمی انتخاب میں پارٹی ہیڈ کوارٹر میں چار سیٹوں میں لالو یادو کا پرچہ نامزدگی داخل کیا گیا۔ رکن اسمبلی بھولا یادو نے ان کا نامزدگی پرچہ داخل کیا۔ چونکہ صدر عہدہ کے لیے واحد نامزدگی لالو یادو کے ہی نام سے تھی، اس لیے ان کا دوبارہ صدر بننا بھی طے تھا۔
میڈیا ذرائع کے مطابق لالو پرسا دکے ساتھ ہی ان کے بیٹے تیجسوی یادو کے نام کو بھی آگے بڑھائے جانے کی خبریں سامنے آ رہی تھیں، لیکن ایسا کچھ بھی نہیں ہوا۔ صرف لالو یادو کے نام کا پرچہ داخل کیے جانے کے بعد واضح ہو گیا کہ تیجسوی یادو سے متعلق جو بھی خبریں ہوا میں تیر رہی تھیں، وہ محض افواہیں تھیں۔ بہر حال، آر جے ڈی تشکیل کے بعد یہ پہلا موقع ہے جب لالو یادو کی غیر موجودگی میں ان کا پرچہ نامزدگی داخل ہوا اور یہ کام ان کے نمائندے نے کیا۔
جس وقت پٹنہ واقع بیر چند پٹیل پتھ میں موجود آر جے ڈی ہیڈ کوارٹر میں لالو یادو کے نام کا پرچہ داخل کیا گیا، اس وقت اپوزیشن لیڈر تیجسوی یادو سمیت پارٹی کے سبھی سینئر لیڈران موجود تھے۔ خبروں کے مطابق قومی صدر کے انتخاب میں تقریباً 600 قومی کونسل کے رکن حصہ لیتے ہیں۔ یہ سبھی اراکین 10 دسمبر کو آر جے ڈی سربراہ کی شکل میں لالو یادو کے نام پر مہر لگائیں گے۔ لالو یادو فی الحال چارہ گھوٹالہ سے جڑے معاملے میں سزا یافتہ ہیں اور رانچی کے ریمس میں گزشتہ کچھ مہینوں سے علاج کرا رہے ہیں۔

آپ کے تاثرات
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here