گجرات: بھوپیندر کابینہ میں سبھی نئے چہرے
گاندھی نگر (ایجنسیاں) : گجرات میں وزیر اعلیٰ کی تبدیلی کے بعد نئی بننے والی بھوپندر پٹیل حکومت کے وزرا کی تقریب حلف برداری آج یہاں راج بھون میں منعقد ہوئی جس میں 10 کابینہ کی سطح سمیت 24 وزرا کو گورنر آچاریہ دیوورت نے عہدے اور رازداری کا حلف لیا۔اس موقع پر وزیر اعظم نریندر مودی نے بھوپیندر کابینہ کی نئی ٹیم کو مبارکباد پیش کی ہے۔
بی جے پی نے’نو ریپیٹ‘ یعنی سابقہ حکومت کے کسی وزیر کو دوبارہ وزیر کا عہدہ نہ دینے کے فارملوے کے تحت وجے روپانی حکومت کے کسی بھی وزیر کو بھوپندر پٹیل حکومت کی کابینہ میں جگہ نہیں دی گئی ہے ۔ تمام وزرا نئے ہیں۔ پچھلی بار کے برعکس ، اس بار کوئی نائب وزیراعلیٰ نہیں ہے اور کابینہ میں ذات اور علاقائی توازن قائم کرنے کی کوشش بھی کی گئی ہے ۔ ماضی میں کانگریس سے بغاوت کرکے بی جے پی میں شامل ہونے والے چہروں کو بھی وزیر کا عہدہ دیا گیا ہے۔ پچھلی حکومت میں صرف ایک خاتون وزیر تھی جبکہ اس بار دو خواتین کو وزیر بنایا گیا ہے ۔ دونوں وزیر مملکت ہیں۔ راج بھون میں دوپہر 1.30 بجے منعقدہ تقریب میں آج ہی قانون ساز اسمبلی کے اسپیکر کے عہدے سے استعفیٰ دینے والے مسٹر راجندر ترویدی (اسمبلی حلقہ راؤپورہ) کے ساتھ ہی پہلے اجتماعی طور پر کابینہ سطح کے وزیر کے طور پر حلف لینے والے دیگر وزیروں میں محترمہ جتیندر ودھانی ، رشی کیش پٹیل، پرنیش مودی، راگھو جی بھائی پٹیل شامل تھے ۔ حلف لینے والے 5دیگر کابینی وزیروں میں محترمہ کنو دیسائی، ارجن چوہان، پردیپ پرمار، نریش پٹیل اور کیراٹ رانا شامل تھے ۔ 10 کابینہ وزرا کے علاوہ کل 14 وزرائے مملکت نے بھی حلف لیا ، جن میں 5 آزاد انہ چارج والے تھے ۔ وزیر مملکت (آزادانہ چارج) کے طور پر حلف اٹھانے والوں میں محترمہ ہرش سنگھوی، جگدیش پنچال، برجیش میرجا، جیتو چودھری اور محترمہ منیش وکیل شامل تھیں۔ پچھلی وجے روپانی حکومت میں ایک نائب وزیر اعلیٰ کے علاوہ 10 دیگر کابینہ کے وزرا اور 11 وزرائے مملکت شامل تھے ۔ اس میں صرف ایک خاتون وزیر تھیں۔ تقریب حلف برداری میں اسٹیج پر موجود وزیراعلیٰ بھوپندر پٹیل کے علاوہ سابق وزیر اعلیٰ مسٹر روپانی ،’ناراض‘ بتائے جارہے ہیں۔ سابق نائب وزیر اعلیٰ نتن پٹیل ،مرکزی وزیر اور گجرات بی جے پی انچارج بھوپندر یادو ، پارٹی کے جنرل سکریٹری بی ایل سنتوش، ریاستی صدر سی آر پاٹل بھی موجود تھے۔
