گوا:چدمبرم کی یہ قیاس آرائی کانگریس کے حق میں سچ ثابت ہوگی؟

0

پنجی،(ایجنسی): کانگریس کے تجربہ کار لیڈر پی چدمبرم نے جمعرات کو یقین ظاہر کیا کہ ان کی پارٹی اگلے سال گوا اسمبلی انتخابات اور 2024 میں ہونے والے لوک سبھا انتخابات میں کامیابی حاصل کرے گی۔ پنجی میں انتخابی مہم کے دفتر کا وہ افتتاح کررہے تھے۔ انھوں نے کہاکہ تاریخ کے تناظر میں ایک بات کہنا چاہتا ہوں جو بھی گوا جیتتا ہے،دہلی میں بھی کامیاب ہوتا ہے. 2007 میں ہم نے گوا جیتا.2009 میں ہم نے دہلی جیت لی. بدقسمتی سے 2012 میں ہم نے گوا کو کھو دیا، 2014 میں ہم نے دہلی کو بھی کھو دیا۔ 2017 میں آپ نے گوا جیت لیا (کارکنوں کا حوالہ دیتے ہوئے) لیکن ہمارے ایم ایل اے ہار گئے۔ انہوں نے کہا کہ 2019 کے لوک سبھا انتخابات میں کانگریس کو شکست کا سامنا کرنا پڑا۔

چدمبرم نے کہا کہ اس بار پارٹی ہمت اور اعتماد کے ساتھ آگے بڑھ رہی ہے اور 2022 میں گوا اور 2024 میں دہلی (لوک سبھا انتخابات) جیتے گی۔ کانگریس کے پاس اس وقت ریاست میں صرف چار ایم ایل اے ہیں۔

چدمبرم نے کہا کہ تاریخ ہماری ہے۔ آج ہم ایک اچھے دن سے شروع کر رہے ہیں اور ہمارے دفتر کا افتتاح سابق سی ایم پرتاپ سنگھ رانے نے کیا ہے۔ انہوں نے کارکنوں سے خطاب کرتے ہوئے کہا کہ انہیں سنہری دنوں کو یاد رکھنا چاہیے جب گوا ترقی کرتا تھا۔ انڈسٹری ، اسکول کالج اور سڑکوں تعمیر کی گئیں۔ انہوں نے کہا کہ ہم 2022 سے گوا کے سنہری دور کو واپس لائیں گے۔ میں آپ سے اپیل کرتا ہوں کہ ہمت اور اعتماد کے ساتھ آگے بڑھیں۔ چدمبرم نے یہ بھی کہا کہ کچھ سیاسی جماعتوں کے ذریعہ گوا کو نوآبادیاتی نہیں بنایا جا سکتا۔ کسی سیاسی جماعت کا ذکر کیے بغیر انہوں نے کہا کہ گوا حملہ آور کی سیاسی کالونی نہیں بن سکتا۔ گوا میں گوا کے لوگوں کی حکومت ہوگی۔ انہوں نے کہا کہ آنے والے دنوں میں پارٹی گوا پر حکومت کرنے کے لیے خواتین،شیڈول قبائل،ماہی گیر برادری اور دلتوں سمیت مزید نوجوان رہنماؤں کو لائے گی۔

آپ کے تاثرات
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here