بنگلہ دیش میں مسجد کے قریب گیس پائپ لائن دھماکے میں 17 افراد ہلاک اور درجنوں شدید زخمی ہوگئے ہیں۔ یہ واقعہ اس وقت پیش آیا جب نماز ختم ہونے ہی والی تھی۔
فائر سروس کے اہلکاروں کو شبہ ہے کہ پائپ لائن سے رساو کی وجہ سے دھماکہ ہوا ہے ، یہ دارالحکومت ڈھاکہ سے بالکل باہر نارائن گنج ضلع کی ایک مسجد میں جمعہ کی رات ہوا۔
درجنوں افراد کو ڈھاکہ کے سرکاری طور پر چلائے جانے والے خصوصی برن اور پلاسٹک سرجری اسپتال پہنچایا گیا ، جن میں سے بیشتر شدید جھلس چکے ہیں۔
برن یونٹ کے کوآرڈینیٹر سمانتا لال سین نے بتایا کہ ہفتے کی دوپہر تک ، ایک سات سالہ لڑکے سمیت 17 افراد ہلاک ہو گئے۔
فائر اسٹیشن کے عہدے داروں کا خیال ہے کہ جمع شدہ گیس میں دھماکا اس وقت ہوا جب کسی شخص نے اے سی یا پنکھا چلانے کے لیے سوئچ آن کیا جس سے پیدا ہونے والی چنگاری سے گیس میں دھماکا ہو گیا۔ حکام نے واقعہ کی تحقیقات کا حکم دے دیا ہے۔
گزشتہ سال فروری میں ڈھاکہ کے ایک قدیم مضافاتی علاقے میں بڑے پیمانے پر آگ بھڑک اٹھنے سے 71 افراد جاں بحق ہو گئے تھے۔ اس کے ایک ماہ بعد ڈھاکہ میں ہی ایک 22 منزل کمرشل عمارت میں آتشزدگی 25 افراد کی جانیں لینے کا سبب بن گئی۔
