ماسکو: (یو این آئی) روس کے ٹویر میں واقع روسی ایرو اسپیس ڈیفنس فورسز (این آئی آئی) کے سینٹرل ریسرچ انسٹی ٹیوٹ میں آگ لگنے سے کم از کم چھ افراد ہلاک اور 30 دیگر زخمی ہو گئے۔ ایمرجنسی سروسز نے جمعہ کو یہ اطلاع دی۔ ایک ذریعے نے بتایا کہ جمعرات کو ہونے والے اس واقعہ میں 30 افراد زخمی ہوئے جن میں سے چھ کی موت ہو گئی۔ ایک اور ذریعہ نے بتایا کہ مقامی وقت کے مطابق صبح 7:33 بجے آگ پر قابو پالیا گیا۔
میڈیا کے مطابق جمعرات کو ٹویر میں روسی وزارت دفاع کے ایک سائنسی تحقیقی ادارے کی انتظامی عمارت کے ایک کمپاؤنڈ میں آگ بھڑک اٹھی۔ ملازمین کو ادارے کے اندر سے نکال لیا گیا ہے اور آگ کو 2500 مربع میٹر کے رقبے سے باہر پھیلنے سے روک دیا گیا ہے۔ شہر کے حکام نے ابتدائی طور پر بتایا کہ 13 افراد کو ہسپتال میں داخل کرایا گیا تھا۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
