ویردھونگر (تامل ناڈو): ہفتہ کے روز تمل ناڈو کے ویردھو نگر میں پٹاخہ بنانے والی فیکٹری میں دھماکے سے کم از کم آٹھ افراد ہلاک اور تین زخمی ہوگئے۔ مقامی پولیس نے یہ اطلاع دی۔ پولیس نے ابتدائی تفتیش کے حوالے سے بتایا کہ مرنے والوں میں خواتین بھی شامل ہیں اور دھماکے کی وجہ معلوم کی جا رہی ہے۔ یہ حادثہ ویمباکوٹائی پولیس اسٹیشن کے تحت ایک جگہ پر پیش آیا۔
فائر ڈپارٹمنٹ کے حکام کے مطابق،”ویرودھ نگر ضلع میں پٹاخہ بنانے والی فیکٹری میں دھماکے سے 8 افراد کی موت ہو گئی ہے۔ واقعے میں 10 افراد زخمی ہوئے ہیں۔ دھماکے کی وجہ ابھی تک معلوم نہیں ہو سکی ہے۔”
مزید پڑھیں: بی جے پی اور آر ایس ایس کی نفرت انگیز سوچ گاندھی کے نظریات کو شکست نہیں دے سکتی ہے: راہل گاندھی
واقعے کی ویڈیو سے پتہ چلتا ہے کہ کافی نقصان ہوا ہے اور کس طرح دھماکے سے پٹاخے کی پوری صنعتی یونٹ تباہ ہوگئی۔ ایمبولینسیں بھی موقع پر موجود ہیں۔ اس وقت جائے حادثہ پر امدادی کارروائیاں جاری ہیں۔ اس معاملے میں مزید تفصیلات کا انتظار ہے۔
