بھوپال (یو این آئی): کانگریس کے سینئر لیڈر دگ وجئے سنگھ نے آج ایک بار پھر اجودھیا میں شری رام مندر کے معاملے پر بھارتیہ جنتا پارٹی (بی جے پی) پر حملہ بولتے ہوئے کہا کہ کانگریس نے کبھی رام مندر کی مخالفت نہیں کی، لیکن بی جے پی کو صرف یہ مدا ہندو مسلم کا بنانے کے لیے مسجد گرانا تھا۔
سوشل میڈیا پلیٹ فارم ایکس پر پوسٹ کرتے ہوئے مسٹر سنگھ نے کہا ”کانگریس نے اجودھیا میں رام مندر کی تعمیر کی کبھی مخالفت نہیں کی۔ صرف متنازعہ زمین پر تعمیرات کے لیے عدالت کے فیصلے تک انتظار کرنے کے لئے کہا تھا۔ غیر متنازعہ زمین پر بھومی پوجن بھی راجیو جی کے دور میں ہوا تھا۔ نرسمہا راؤ جی نے بھی رام مندر کی تعمیر کے لیے غیر متنازعہ زمین حاصل کی تھی۔ لیکن بی جے پی، وشو ہندو پریشد (وی ایچ پی) اور راشٹریہ سویم سیوک سنگھ کو مندر کی تعمیر نہیں مسجد گرانی تھی۔ کیونکہ جب تک مسجد نہیں گرائی جاتی مدا ہندو مسلم کا نہیں بنتا۔
कांग्रेस @INCIndia ने कभी भी अयोध्या जी में #RamMandir निर्माण का विरोध नहीं किया। केवल विवादित भूमि में निर्माण हेतु न्यायालय के फ़ैसले तक इंतज़ार करने के लिए कहा था। ग़ैर विवादित भूमि पर भूमि पूजन भी राजीव जी के समय हो गयी थी। नरसिम्हा राव जी ने राम मंदिर निर्माण के लिए ग़ैर… https://t.co/sSLiAhXCEq
— digvijaya singh (@digvijaya_28) January 16, 2024
انہوں نے سلسلہ وار طریقے سے کہا ’’تخریب کاری ان کے رویے اور کردار میں ہے، بدامنی پھیلا کر سیاسی فائدہ اٹھانا ان کی حکمت عملی ہے۔ اسی لیے ان کا نعرہ تھا ’’رام للا ہم آئیں گے، مندر وہیں بنائیں گے۔ اب وہاں کیوں نہیں بنایا؟ جب سپریم کورٹ نے متنازعہ زمین ٹرسٹ کو دے دی تھی؟ اس کا جواب تو صرف وی ایچ پی کے چمپت رائے جی یا نریندر مودی جی ہی دے سکتے ہیں۔
دگ وجے سنگھ نے کہا کہ ان کی ہمدردیاں ان رضاکاروں کے اہل خانہ کے ساتھ ہیں جو مندر کی تعمیر کی تحریک میں شہید ہوئے تھے اور وہ لوگ جن کے خلاف عدالت میں فوجداری مقدمات چلے۔ انہوں نے سوال کیا کہ کیا وہ لوگ مدعو کئے گئے ہیں۔ نرموہی اکھاڑے کے لوگ جنہوں نے 175 سال تک رام جنم بھومی کی لڑائی لڑی، جو عدالت میں لڑے، کیا انہیں مدعو کیا؟
مزید پڑھیں: 22 جنوری کا پروگرام ایک سیاسی پروگرام ہے: راہل گاندھی
دگ وجے سنگھ نے الزام لگایا کہ ایسے لوگوں کا پوجا کا حق بھی چھین کر چمپت رائے کے منتخب رضاکاروں کو دے دیا گیا۔ کیا یہی راج دھرم ہے اور کیا یہی رام راج ہے؟
