جے پور: مدھیہ پردیش میں لاؤڈ اسپیکر پر پابندی لگا دی گئی ہے۔ آر ایس ایس کے قریبی موہن یادو نے وزیر اعلیٰ بنتے ہی پہلا بڑا فیصلہ لیا ہے۔ وزیراعلیٰ بننے کے بعد انہوں نے پہلا حکم جاری کرتے ہوئے لاؤڈ اسپیکر پر پابندی لگا دی ہے۔ اس حکم نامے کے مطابق مذہبی اور عوامی مقامات پر لاؤڈ اسپیکر پر پابندی عائد کر دی گئی ہے۔ اس حکم کے لیے سپریم کورٹ کے رہنما خطوط کا حوالہ دیا گیا ہے۔
معلوم ہو کہ وزیر اعلی ڈاکٹر موہن یادو نے وزیر اعلی کے کمرے میں رسمی پوجا کرنے کے بعد بدھ کو ہی چارج سنبھال لیا۔ چارج سنبھالتے ہی انہوں نے پہلا حکم دے دیا ہے۔ اس حکم کے تحت ریاست میں لاؤڈ اسپیکر پر پابندی لگا دی گئی ہے۔
مزید پڑھیں: پارلیامنٹ میں حملے کے دوران راہل گاندھی اپنی جگہ پر کھڑے رہے
موہن یادو اجین جنوب سے رکن اسمبلی ہیں۔ وہ سنگھ کے قریب مانے جاتے ہیں۔ شیوراج حکومت میں وہ اعلیٰ تعلیم کے وزیر تھے۔ پہلی بار 2013 میں ایم ایل اے بنے تھے۔ اس کے بعد، 2018 میں، انہوں نے دوسری بار اجین جنوبی سیٹ سے الیکشن جیتا تھا۔ مارچ 2020 میں شیوراج حکومت کی دوبارہ تشکیل کے بعد، انہیں جولائی میں کابینہ میں شامل کیا گیا تھا۔
