کار کےدرخت سے ٹکرانے سے تین افراد موقع پر ہی جاں بحق

شہڈول: (یو این آئی) مدھیہ پردیش کے ضلع انوپ پور کے راجندرگرام تھانہ علاقہ کے کرونڈی گاؤں کے قریب آج صبح امرکنٹک جا رہی ایک کار کے درخت سے ٹکرا جانے سے تین افراد کی موقع پر ہی موت ہو گئی اور دو شدید زخمی ہو گئے۔ پولیس ذرائع نے بتایا کہ ضلع کے انوپ پور کے رہنے والے پانچ افراد نئی کار سے امرکنٹک مندر میں پوجا کے لیے لے جا رہے تھے۔ اس کے بعد کار بے قابو ہو کر کرونڈی گاؤں کے قریب ایک درخت سے ٹکرا گئی۔ اس حادثے میں کار سوار سبودھ سریواستو، ورشا سریواستو اور مانو سنگھ گونڈ کی موت ہو گئی ہے، جب کہ دیویانش سریواستو اور سوربھ شرما کو تشویشناک حالت میں راجندرگرام اسپتال میں داخل کرایا گیا ہے۔