ماسکو:(یواین آئی) روس یوکرین تنازع کے تناظر میں روسی وزیر خارجہ سرگئی لاؤروف نے کہا ہے کہ برطانیہ نے یوکرین معاملے پر اگر نئی پابندیاں لگائیں تو روس جوابی اقدام کرے گا۔ یاد رہے کہ برطانیہ نے گزشتہ روز دھمکی دی تھی کہ وہ روسی کمپنیوں کو لندن میں سرمایہ اکٹھا کرنے سے روکے گا۔ ادھر روس یوکرین پر حملے کے منصوبے کی کئی بار تردید کرچکا ہے۔ دوسری جانب روس یوکرین تنازع پر چین کے صدر شی جن پنگ نے فریقین سے بات چیت کے ذریعہ مسئلہ حل کرنے کا مطالبہ کیا ہے۔ فرانسیسی صدر امانوئل میکروں سے ٹیلیفونک گفتگو کے دوران چینی صدر نے یوکرین تنازع کے سیاسی تصفیہ پر زور دیا۔ چینی میڈیا کے مطابق چینی صدر کا فریقین کو تنازعات کے حل کے لیے نارمنڈی فارمیٹ سمیت کثیرالجہتی پلیٹ فارمز استعمال کرنے کا مشورہ دیا۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
