اجمیر: (یو این آئی) راجستھان کے ضلع اجمیر میں 11 جولائی سے ریاست کے آٹھ اضلاع کے لئے فوج میں بھرتی پروگرام کا انعقاد کیا جائے گا۔
موصولہ اطلاع کے مطابق 11 جولائی سے 2 اگست تک آرمی ریکروٹمنٹ ریلی کا انعقاد کیا جائے گا جس میں اجمیر، کوٹہ، بھیلواڑہ ،باران،بوندی،چتورگڑھ،راجسمند اور جھالاواڑ اضلاع کے نوجوانوں کو موقع دیا جائے گا۔ فوج میں ان نوجوانوں کی بھرتی کے لئے جسمانی فٹنس اور دیگر پیرامیٹرز کی جانچ کی جائے گی۔
فوج کی بھرتی ریلی کے پیش نظر تیاریوں کا آغاز کرنے کی ہدایت دیتے ہوئے اجمیر انتظامیہ سے کوٹہ آفس سے انتظامات کو بروقت مکمل کرنے کو کہا گیا ہے۔ اجمیر کے شہر جے پور روڈ پر واقع ’کائڑوشرام استھلی‘پر آرمی ریکروٹمنٹ ریلی پروگرام منعقد کرنے کی تجویز ہے۔ اگر کورونامدت کی صورتحال معمول پر رہی تو پھر بھرتی پروگرام آرمی ریکروٹمنٹ آفس کی تجویز کردہ پروگرام کے تحت کیا جائے گا۔
