نئی دہلی : دہلی اسمبلی کے 8فروری کو ہونے والے انتخابات کےلیے کل 672امیدوار میدان میں ہیں۔ جن میں 593مرد اور 79خواتین ہیں ۔سب سے زیادہ 28امیدوار نئی دہلی اسمبلی سےہیں، جہاں وزیراعلیٰ اروند کیجریوال انتخاب لڑرہے ہیں ۔یہاں 26مرد اور 2 خواتین امیدار ہیں ۔دہلی کے چیف انتخابی افسر کی اطلاع کے مطابق انتخاب کے لیے 1009امیدواروں نے 1528کاغذات نامزدگی داخل کیے تھے ۔ان میں 821مرد اور 188خواتین تھیں ۔کاغذات واپس لینے کے آخری دن 26امیدواروں نے نام واپس لیے ان میں 22مرد اور 4 خواتین شامل ہیں ۔سب سے کم 4 امیدوار پٹیل نگر میں ہیں جہاں 3 مرد اورایک خاتون امیدوار ہیں ۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
