اسلام آباد: (یو این آئی) پنجاب کے وزیر اعلیٰ کے عہدے کے لیے اپوزیشن کے مشترکہ امیدوار حمزہ شہباز نے کہا ہے کہ اراکین کی تعداد معلوم کرنے کے لیے ان کے اراکین اسمبلی کو بدھ کو اسمبلی میں بلایا گیا ہے۔ پنجاب قانون ساز اسمبلی کا اجلاس بدھ کو طلب کیا گیا ہے جو پہلے 16 اپریل تک ملتوی کر دیا گیا تھا۔ حمزہ شریف نے کہا کہ وہ سپریم کورٹ سے کیے گئے وعدے کے مطابق اپنے تمام اراکین کے ساتھ پنجاب قانون ساز اسمبلی پہنچیں گے۔ انہوں نے کہا کہ جب کاغذات نامزدگی جمع کرائے جاتے ہیں تو اگلے دن انتخابات کرانا لازمی ہو جاتا ہے۔ انہوں نے سوال کیاکہ اگر کورونا وبا کے دوران سیشن کا انعقاد نجی ہوٹل میں ہو سکتا ہے تو ایسے وقت میں جب سب سے بڑے صوبہ میں وزیراعلی نہیں ہے تو سیشن کو دوسری جگہ کیوں نہیں منتقل کی جاسکتا ہے۔ واضح رہےکہ اسمبلی میں مرمت کے کام کا حوالہ دیتے ہوئے اسے ملتوی کرنے کی بات کہی گئی تھی۔
