واشنگٹن (یو این آئی): امریکی بحریہ کے دو سیلرز صومالیہ کے ساحل میں لاپتہ ہوگئے۔
امریکی سینٹرل کمانڈر نے دو سیلرز کے صومالیہ کے ساحل میں لاپتہ ہونے کی تصدیق کرتے ہوئے بتایا کہ دونوں سیلرز جمعرات کے روز صومالیہ کے ساحل پر ایک آپریشن میں مصروف تھے تاہم اب ان کا کوئی پتا نہیں۔
امریکی سینٹرل کمانڈر کا کہنا ہے کہ دونوں سیلرز کی لوکیشن کا پتہ لگاکر ان کی تلاش کے لیے ریسکیو آپریشن جاری ہے۔
میڈیا رپورٹس کے مطابق امریکی سینٹرل کمانڈر کی جانب سے اس حوالے سے کوئی اضافی تفصیلات جاری نہیں کی گئی ہیں کہ دونوں سیلرز لاپتہ ہونے کے وقت کیا کررہے تھے۔
میڈیا رپورٹس کے مطابق امریکی بحریہ کا بتانا ہےکہ دونوں سیلرز امریکی بحریہ کے پانچویں فلیٹ ایریا سے آگے کی طرف تعینات تھے جو ایک مشن میں معاونت کررہے تھے۔
امریکی سینٹرل کمانڈر کا کہنا ہےکہ دونوں سیلرز کی فیملیز کو دھیان میں رکھتے ہوئے اس حوالے سے فوری مزید کوئی تفصیلات جاری نہیں کی گئی ہیں۔
مزید پڑھیں: اسرائیل کے غزہ پر حملے،23357 فلسطینی جاں بحق
امریکی میڈیا کا کہنا ہے کہ امریکی فوج صومالیہ کے ساحل میں الشباب گروپ کے خطرے کے پیش نظر چھوٹے آپریشن کرتی ہے اور امریکا الشباب کو دہشتگرد تنظیم سمجھتا ہے جب کہ امریکا اس سلسلے میں صومالی حکومت سے مل کر ان کی فوج کو بھی ٹریننگ فراہم کرتا ہے۔
