دبئی(یواین آی) مرد ٹی-20عالمی کپ 2021 کاانعقاد 17اکتوبر سے 14نومبرتک متحدہ عرب امارات (یواے ای) اور عمان میں ہوگا۔ بین الاقوامی کرکٹ کونسل (آئی سی سی) نے منگل کو اس کی تصدیق کی ہے ۔ آئی سی سی نے یہ بھی واضح کیا ہے کہ ٹورنامنٹ کو بھلے ہی یواے ای اورعمان میں منعقدکیا جائے گا، لیکن اس کی میزبانی ہندوستانی کرکٹ کنٹرول بورڈ (بی سی سی آئی) ہی کرے گا۔آئی سی سی کے قائم مقام چیف ایگزیکٹو افسر (سی ای او) جیوف ایلارڈس نے منگل کو ایک بیان میں کہا، ‘‘ہماری ترجیحات آئی سی سی مرد ٹی-20 عالمی کپ 2021 کو مکمل طور سے محفوظ اوراس کی موجودہ ونڈو میں منعقد کرنا ہے ۔ ہم ہندوستان میں عالمی کپ کی میزبانی نہ ہونے کے لئے بہت مایوس ہیں۔ موجودہ فیصلہ سے ہمیں یقین ملتا ہے کہ ہمیں ایک ایسے ملک میں عالمی ٹورنامنٹ کا انعقاد کرنے کی ضرورت ہے جو بایو بلبل ماحول میں ملٹی ٹیم ایونٹ کا ایک ثابت بین الاقوامی میزبان ہے ۔ اس پر بی سی سی آئی کے صدر سوروگانگولی نے کہا، ‘‘بی سی سی آئی یواے ای اورعمان میں آئی سی سی مرد ٹی-20 عالمی کپ 2021 ٹورنامنٹ کی میزبانی کرنے کے لئے پرجوش ہے ۔ ہم ہندوستان میں اس کی میزبانی کرکے زیادہ خوش ہوتے ، لیکن کورونا وبا کی صورت حال اورورلڈ چیمپئن شپ کی اہمیت کی سبب غیریقینی صورت حال کے پیش نظر بی سی سی آئی اب اس ٹورنامنٹ کی میزبانی یواے ای اورعمان میں کرے گا۔ ٹی -20ورلڈ کپ کے لئے چار مقامات دبئی انٹرنیشنل اسٹیڈیم، ابوظہبی میں شیخ زاید اسٹیڈیم، شارجہ اسٹیڈیم اور عمان کرکٹ اکیڈمی گراؤنڈ کو منتخب کیا گیا ہے ۔ ٹورنامنٹ کے پہلے راؤنڈ میں آٹھ کوالیفائنگ ٹیموں کو عمان اور متحدہ عرب امارات کے مابین تقسیم کیا جائے گا۔پہلے راؤنڈ کی چار ٹیمیں سپر 12 مرحلے کے لئے کوالیفائی کریں گی، جس میں ہندوستان، آسٹریلیا، انگلینڈ، جنوبی افریقہ، پاکستان، نیوزی لینڈ، ویسٹ انڈیز اور افغانستان کا براہ راست داخلہ ہے ، جبکہ پہلے راؤنڈ میں مقابلہ کرنے والی آٹھ ٹیمیں بنگلہ دیش، سری لنکا، آئرلینڈ، نیدرلینڈز، اسکاٹ لینڈ، نامیبیا، عمان اور پاپوا نیو گنی ہیں۔
