مودی کی جامع ترقی پر عوام کی پختہ مہر: مختار عباس نقوی

0
Image: The News Now

نئی دہلی: (یو این آئی) بھارتیہ جنتا پارٹی (بی جے پی) کے سینئر لیڈر اور مرکزی وزیر مختار عباس نقوی نے جمعرات کو یہاں کہا کہ اپوزیشن پارٹیوں کے ذریعہ بی جے پی کو ہرانے کی کوشش پر عوام کا بی جے پی کو جتانے کا جنون حاوی رہا۔
یہاں نامہ نگاروں سے بات کرتے ہوئے مسٹرنقوی نے کہا کہ اتر پردیش اور دیگر ریاستوں میں بی جے پی کی شاندار جیت، وزیر اعظم نریندر مودی کی “جامع ترقی، ہمہ جہت بااختیار بنانے” کے عزم پر عوام کی پختہ مہر ہے۔
انہوں نے کہا کہ جو سیاسی جماعتیں ترقی کو دیوانہ کہہ رہی تھیں وہ دیوالیہ ہو چکی ہیں۔ ایک نظر آنے والا آپشن بھی تھا اور بی جے پی کی پانچ سالہ حکومت بھی۔ لوگوں نے حکومت کی “پرو-انکمبنسی ” اور “متبادل کے بی جے پی کو ہراؤ نعرے” کو مسترد کر کے گڈ گورننس اور ترقی کی جگل بندی کو مینڈیٹ دیا ہے۔

مسٹرنقوی نے کہا کہ نریندر مودی ’’خاندان کی پرکرما سیاست‘‘کو ’’محنت اور نتائج کی ثقافت‘‘میں تبدیل کرکے ملک کی سیاسی سوچ میں ایک مثبت تبدیلی لائے ہیں۔ ان انتخابات کے نتائج اسی کا نتیجہ ہیں۔
انہوں نے کہا کہ بی جے پی نے ہمیشہ ’’جیت کےگلیمر اورہارکے گریس ‘‘کو جمہوریت کا حصہ سمجھا ہے۔ یہ ان اپوزیشن جماعتوں کے لیے سبق اور پیغام ہے جو اپنی شکست پرواویلا مچاکر مینڈیٹ کی توہین کرتی ہیں۔