نئی دہلی: ہاکی انڈیا نے کوچ اور تکنیکی افسران کے رجسٹریشن کے لئے اوپن اپلی کیشن سب مشن سسٹم بدھ کے روز لانچ کیا۔
کوئی بھی امیدوار ایک کوچ یا تکنیکی افسر کے طور پر رجسٹرڈ ہونے کے لئے ہاکی انڈیا رجسٹرڈ ممبر یونٹ کی منظوری لے کر اس اوپن سسٹم کے ذریعہ اپنی درخواست جمع کرسکتا ہے۔
جب امیدوار اپنی درخواست جمع کردیں گے تب اسے ہاکی انڈیا رجسٹرڈ ممبر یونٹ کی منظوری کی ضرورت ہوگی۔ اس یونٹ کی طرف سے درخواست منظور کرلی جائے گی، تب ہاکی انڈیا کی منظوری کی ضرورت ہوگی جس کے بعد ہی کوچ یا تکنیک افسر کے طور پر رجسٹریشن کی اجازت مل سکے گی۔
ہاکی انڈیا کے صدر محمد مشتاق احمد نے کہا کہ کوچ یا تکنیک افسران کے رجسٹریشن کی درخواست کے لئے اوپن اپلی کیشن کے لانچ ہونے سے کافی اچھا محسوس ہورہا ہے۔ یہ پلیٹ فارم ہر اس شخص کی مدد کرے گا جو ایک کوچ یا تکنیک کے طور پر رجسٹرڈ ہونا چاہتا ہے۔
