جنوبی سوڈان مشن:30 ہندوستانی عہدیدار یونائیٹڈ نیشن میڈل سے سرفراز

0
Image: India TV News

اقوام متحدہ ،(یو این آئی) ہندوستان کے تیس افسران کو جنوبی سوڈان میں دیرپا امن کے لیے ان کی خدمات کے اعتراف میں یونائٹڈ نیشن میڈل سے نوازا گیا ۔ ان میں خواتین بھی شامل ہیں ۔ جنوبی سوڈان میں اقوام متحدہ کے مشن یو این ایم آئی ایس ایس نے 30 ہندستانیوں کا ان کے عزم کے لئے شکریہ ادا کیا ہے ۔
ادارے نے ایک ٹویٹ میں کہا ’’جنوبی سوڈان میں امن کی بحالی کے لیے 30 افسران کو ان کی خدمات کے مدِنظر یونائیٹڈ نیشن میڈل سے نوازا گیا ہے ۔ ان کی تعیناتی ایک ایسے وقت میں کی گئی ، جب ملک تنازعات، نقل مکانی اور کورونا جیسے مسائل سے دوچار تھا ۔ ادارہ ان کےعزم کو دیکھتے ہوئے ان کاشکریہ ادا کرتا ہے ‘‘۔
یہ افسران اقوام متحدہ کی پولیس کا حصہ تھے ، جو اقوام متحدہ کی امن مہم کا ایک ڈویژن تھا۔میڈل فراہم کرنے کی تقریب یوم اقوام متحدہ کے موقع پر منعقد کی گئی تھی۔ وزیر اعظم نریندر مودی نے اپنی ’من کی بات‘ میں کہا کہ ہندوستان نے ہمیشہ عالمی امن کے لیے کام کیا ہے، جس کی مثال ہمیں اقوام متحدہ کی امن فوج میں ملک کے تعاون میں دیکھی جا سکتی ہے ۔

آپ کے تاثرات
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here