ئی دہلی: سابقہ گولڈن ٹیمپل 'ہزوری راگی' کا جمعرات کی صبح کورونا وائرس سے انتقال ہوگیا۔ اس کے ساتھ ہی ریاست میں کووڈ ۔19 سے مرنے والے افراد کی تعداد 5 ہوگئی ہے۔ ایک صحت افسر نے بتایا کہ 62 سالہ سابقہ 'ہزاری راگی' ، جنہیں 'گوربانی' کے تمام راگوں کا علم تھا، حال ہی میں بیرون ملک سے واپس آئے تھے اور ان میں بدھ کے روز کورونا وائرس سے متاثر ہونے کی تصدیق ہوئی تھی۔ عہدیداروں نے بتایا کہ ان کی دو بیٹیوں، بیٹے ، بیوی ، ڈرائیور اور چھ دیگر افراد جو ان کے ساتھ چندی گڑھ گئے تھے،ان کے سیمپل کو بھی جانچ کے لئے بھیجا جائے گا۔ ان کی موت کے ساتھ ہی ریاست میں اس متعدی بیماری سے اموات کی تعداد5 ہوگئی ہے۔ اب تک پنجاب میں کورونا وائرس کے کل 46 معاملات درج ہوئے ہیں۔ نواں شہر سے 19 ، موہالی سے 10 ، ہوشیار پور سے 6 ، جالندھر سے 5 ، لدھیانہ سے 3 ، امرتسر سے 2 اور پٹیالہ سے 1 کیس سامنے آئے ہیں۔ ان 46 میں سے ایک مریض کو اسپتال سے فارغ کر بھیج دیا گیا ہے۔
