بلند شہر (زبیر شاد/ ایس این بی ) : بی ایس پی چھوڑ کر آر ایل ڈی میں شا مل ہوئے ضلع کے قدآور لیڈر حا جی یونس کے قا فلے پر حملہ آوروں نے آج اس وقت پے درپے فا ئر نگ کردی جب وہ ایک شادی میں شرکت کرکے واپس لوٹ رہے تھے ۔اندھا دھند فا ئر نگ سے علاقہ میں دہشت پھیل گئی ،گولی لگنے سے زخمی ہوئے کئی لوگوں کو ضلع اسپتال پہنچا یا، جہا ں سے انھیں ہائر میڈیکل سینٹر کیلئے ریفر کردیا ہے ۔حملہ میں ایک شخص کی موت کی اطلاع ملی ہے۔اطلاع کے مطابق آر ایل ڈی لیڈر اور بی ایس پی کے سا بق ایم ایل اے مرحو م حاجی علیم کے چھوٹے بھائی حا جی یونس اتوار کو اپنے حا میوں کے سا تھ نئی منڈی پو لیس چوکی حلقہ کے بھائی پورہ گائوں میں ایک شادی کی تقر یب میں شر کت کرکے واپس لو ٹ رہے تھے۔بتایا گیا ہے کہ جب وہ مرزا پور جانے والے راستے پرپہنچے تو وہا ں پہلے سے گھات لگا ئے بیٹھے کار و با ئک سوار حملہ آوروں نے حاجی یونس کے قا فلے پر تا بڑ تو ڑ فائر نگ شروع کردی، جس میں گولی لگنے سے حا جی یونس کے کئی حامی زخمی ہوگئے ،جنھیں فوراً ہی ضلع اسپتال لے جایا گیا، جہا ں زخمیوں کی سنگین حالت کو دیکھتے ہوئے ہائر میڈیکل سینٹر کیلئے ریفر کر دیا۔ تادم تحریر ملی اطلاع کے مطابق دیگر 4زخمی افراد کی حالت نازک بنی ہوئی ہے۔ ادھر گولیو ںکی تڑ تڑا ہٹ سے علاقہ میں دہشت پھیل گئی ،جبکہ واردات کوانجام دے کر حملہ آور فرار ہونے میں کامیاب ہوگئے ۔ذرائع نے بتایا کہ حملہ آوروں کی طر ف سے تقر یبا چا لیس رائونڈ فا ئر نگ کی گئی ہے ۔ادھر وار دات کی اطلاع پا کر ایس ایس پی سنتوش کمار سنگھ سمیت تمام اعلی افسران نے ضلع اسپتال پہنچ کر زخمیوں کے بارے میں جانکاری حاصل کی نیز جائے واردات پر پہنچی پو لیس نے مو قع سے استعمال شدہ درجنوں خالی کارتو س بر آمد کیے ہیں ۔ذرائع نے بتایا کہ حملہ آور پوری تیاری سے تھے جو حا جی یونس پر حملہ کرنے آئے تھے ،کیونکہ ان کی گاڑی پر گولیوں کے تقر یبا 22نشان موجود ہیں ۔ان کے قا فلے میں شا مل پانچ لوگ گولی لگنے سے زخمی ہوئے ہیں جس میں خا لد پردھان نامی شخص کی موت کی بھی خبر ملی ہے لیکن اس کی ابھی تک کوئی تصدیق نہیں ہو سکی ہے۔ حا جی یونس نے پو لیس پر الزام عائد کر تے ہوئے کہا کہ انہوں نے کئی ماہ قبل پو لیس افسران کو مطلع کردیا تھا کہ کچھ لوگ ان پر حملہ کرنے کے مقصد سے علاقہ میں گھوم رہے ہیں ،اتناہی نہیں حملہ آوروں کی گاڑیوں کے نمبر اور اسلحہ کے بارے میں بھی جانکاری دی گئی تھی ،لیکن پو لیس نے اس معا ملے میں کوئی سنجید گی نہیں دکھائی ۔ادھر ایس ایس پی سنتوش کمار سنگھ نے بتایاکہ حملے کے پیچھے حا جی یونس نے اپنے بھتیجے حا جی انس جو اپنے والد حا جی علیم کے قتل معا ملے میں جیل میں بند ہے پرحملہ کرانے کا اندیشہ جتا یاہے ۔پو لیس معا ملے کی جانچ تحقیقات میں مصروف ہے ،جلدہی حملہ آوروں کو گرفتار کرلیا جائے گا ۔
