کولکتہ: (ایجسنی) مغربی بنگال میں حکمران ترنمول کانگریس کی بنگالی اداکارہ اور رکن پارلیمنٹ نصرت جہاں کے بیٹے کے والد کا نام کا انکشاف ہوا ہے ۔ کچھ ہی دن پہلے ماں بنی نصرت کے بیٹے کی پیدائش کے سرٹیفکیٹ پر ساتھی بنگالی اداکار یش داس گپتا کا نام باپ کے طور پر لکھا ہوا ہے۔ اہم بات یہ ہے کہ اس سے قبل اداکارہ نے بچے کے والد کے نام کے بارے میں معلومات دینے سے انکار کر دیا تھا۔ نصرت نے 26 اگست کو بیٹے کو جنم دیا۔ بیٹے کی پیدائش کے بعد سے یہ سوال اٹھ رہا تھا کہ اس کے والد کون ہیں۔ کیونکہ نصرت بچے سے پہلے ہی اپنے شوہر نکھل جین سے علیحدگی کا اعلان کر چکی ہے۔ نصرت نے اپنی شادی کو غیر قانونی قرار دیا ہے۔ نصرت جہاں کے بیٹے کی پیدائش کے سرٹیفکیٹ میں بچے کا نام یشان داس گپتا لکھا گیا ہے۔ جب کہ والد کے نام سے منسوب جگہ پردیب شیش داس گپتا لکھا گیا ہے۔ اداکار یش داس گپتا کا اصل نام دیباش ہے۔ ڈیلیوری کے بعد اسپتال سے ڈسچارج ہونے کے بعد یش نے نصرت کے بچے کو اپنی بانہوں میں لے لیا تھا۔
نصرت جہاں نے اپنے بیٹے کے والد کے نام کا انکشاف کرتے ہوئے کہا ‘میرے خیال میں یہ ایک غلط سوال ہے اور یہ ایک عورت کے کردار کے بارے میں غلط نقطہ نظر کو ظاہر کرتی ہے باپ کون ہے؟ کیا باپ جانتا ہے کہ بیٹے کا باپ کون ہے؟ ہم جانتے ہیں کہ یہ لمحہ ہمارے لیے بہت خاص ہے اور ہم اچھا وقت گزار رہے ہیں۔ میں اور یش بہت خوش ہیں۔ پیدائش سے ہی والد کے نام کے بارے میں قیاس آرائیاں کی جا رہی تھیں۔
