‘آپ’ کو ‘او ٹی پی’ سے ملے گی گجرات کی گدی؟

0
image:businessstandard

نئی دہلی (ایجنسی):اروند کیجریوال کی قیادت والی عام آدمی پارٹی (اے اے پی) نے اس بار گجرات انتخابات میں اتر کر مقابلہ کو بہت دلچسپ بنا دیا ہے۔ دہلی اور پنجاب کی طرح AAP گجرات میں بھی مفت بجلی، پانی، تعلیم اور ادویات سے متعلق کئی وعدے کرکے عوام کو اپنی طرف متوجہ کرنے کی کوشش کر رہی ہے۔ اس کے ساتھ ہی ‘آپ’ نے ‘او ٹی پی’ فارمولے کے ذریعے گجرات میں ووٹ بینک بنانے کی کوشش کی ہے۔
عام آدمی پارٹی کے قومی کنوینر اروند کیجریوال نے ہفتہ کو ایک ٹی وی شو میں ‘او ٹی پی’ فارمولہ کا حوالہ دیا اور کہا کہ ان کی پارٹی کس طرح اپنی حمایت کی بنیاد کو بڑھا رہی ہے۔ اے اے پی لیڈر نے کہا کہ او ٹی پی میں او کا ووٹ او بی سی ہے، ٹی کا ووٹ قبائلی ہے اور پی کا ووٹ پٹیل ہے اور ہمیں سب کی طرف سے بہت پیار اور حمایت مل رہی ہے۔