ممبئی: کورونا مجاہد مہاراشٹر پولیس پر عالمی وبا کووڈ۔19کا قہر کم ہونے کا نام نہیں لے رہا ہے اور گزشتہ 48گھنٹوں کے دوران فورس کے
92 ملازمین کورونا وائرس کی زد میں آگے جبکہ دو کی اس سے موت ہوگئی۔
مہاراشٹر پولیس کی طرف سے اتوار کو دی گئی اطلاع کے مطابق فورس کے کل ملاکر 1758لوگ کورونا کی زد میں آچکے ہیں اور 18کی موت ہوچکی ہے۔
متاثرین میں فورس کے مجموعی طورپر 183حکام اور 1575مرد پولیس اہلکار ہیں۔
فورس کے کورونا سے 18مرنے والوں میں ایک افسر اور 17مرد اہلکار ہیں۔
ریاست میں اس وقت فورس کے 1067معاملات ایکٹیو ہیں، جن میں سے 131افسر اور 936سپاہی ہیں۔ فورس کے 673 لوگ کورونا سے ٹھیک ہوچکے ہیں جن میں
51افسران اور 622سپاہی ہیں۔
ریاستی پولیس نے تعزیرات ہند کی دفعہ 188کی خلاف ورزی کے ایک لاکھ 13ہزار 893معاملے درج کئے ہیں۔ ممبئی کو چھوڑ کر کوارنٹائن کی خلاف ورزی کے
695معاملے ہیں۔ پولیس فورس پر حملے کے 248معاملات درج کئے گئے ہیں اور 830لوگوں کو گرفتار کیا گیا ہے۔
